Mizoram BMP hruaitute Tuiphai Bial-ah an feh chhuak;

May 15, Pathianni khan Mizoram Baptist Mipa Pawl (MBMP) Hruaitu te chu Tuiphai bial tlawhin an feh chhuak a. Pastor thut hmun Tarpho-ah innghatin Bialtu Pastor,  Bial Puipa te, leh Bial BMP hruaitu ten Pastor Quarters ah an lo dawngsawng , Bial chhunga BMP Unit hrang hrang – Aithur, Khawhri, Tarpho leh S.Chawngtui atanga hruaitu lo kal khawm te nen Tukthuan an kilho a. Dar 10:30-ah Inkhawmin, Rev. H. Lalfakzuala, Secretary MBMP-in Thuchah a sawi.

Chawhnu lamah Biak In Hall-ah Inpawlhona neih a ni a. Bial leh Unit BMP Report te ngaihthlak a ni a, MBMP Secretary-in Report tlangpui pe-in Mizoram BMP anga in enkawlnaah hma thar lakna tur leh hmasawnna tur tam tak a awm thu te, Bial leh Unit te nena thawhhona tha leh in pawhna tha neih a tul thu te sawiin hmabaka tih tur leh hma chhawp hrang hrang te a tarlang bawk. Inpawlhona neih zawh hian MBMP hruaitute hi Hnahthial lamah MBMP Inkhawmpui 2023 Organising Committee te nen Meeting nei turin a chhuak leh nghal a ni.