Medical Operational Team (MOT)  ten BCCC an tlawh

August 15, 2021 (Pathianni) khan Medical Operational Team, Mizoram ten an Chairman Dr. ZR Thiamsanga hovin Baptist Covid Care Centre, Ramzotlang, Serkawn ami an tlawh. BCCC tlawhnaah hian Chairman bakah MOT member dang engemawzat an tel bakah Lunglei North Bialtu MLA Dr. Vanlaltanpuia tel ve bawkin BCCC-ah hian Upa Dr. Lalramzauva, Director, Medical & Health Department-in a lo dawngsawng a ni.

BCCC an tlawh hnu-ah hian BCM Headquarters tlawh nghalin General Secretary, Rev. F. Ramdinmawia leh Associate General Secretary Mission Rev. Dr. C. Vanlaldika ten lo dawngsawngin inkawmhona hun tawi an hmang a. He Inkawmhona hunah hian Medical Operation Team Chairman Dr. ZR Thiamsanga chuan BCM-in Covid veite enkawlna BCCC a kalpui chu lawmawm a tih thu leh Mizortam Sorkar nasa taka chhawk zangkhaina a nih thu tarlangin Medical Operational Team leh Mizoram Sorkar aiawhin lawmthu a sawi a, BCCC tan Rs. 10,000/- leh PPE set 10 a pe a ni.

Lunglei North Bialtu MLA Dr. Vanlaltanpuia pawhin BCCC din a nih avanga lawmthu sawiin, tanpuina Rs 10,000/- a pe bawk.  Medical Operation Team leh Bialtu MLA te hian BCCC kalpui zel a nihna kawngah harsatna leh mamawh te inthlahrung hauh lo va Mizoram Sorkar hnena thlen thin turin an chah a ni.

Rev. F. Ramdinmawia, General Secretary chuan Medical Operation Team leh Bialtu MLA ten BCCC an tlawh avang leh tanpuina an pek mai bakah hun lo kal zel tura an inhuamna te avangin lawmthu a sawi a, sawiin, BCCC chu mamawhna a san em avanga Pathian chakna rinchhana din a nih thu leh, Pathianin mimal, Kohhran leh Pawl hrang hrang terilru-ah hna thawk a, tanpuian dawn a nih zel danah pawh Pathian hruaina avangin lawmthu a sawi.