Meeting pawimawh-ah BCM hruaitute

BWA  General Council Meeting  Bangkok-ah

Baptist World Alliance (BWA)  Rorelna sang ber, General Council Meeting leh Annual Gathering chu July 2-7, 2017 chhung hian Bangkok, Thailand-ah  neih a ni dawn a. BCM atanga Council Meeting-a tel turin  Rev.H.Lianngaia, BCM President leh Rev.F.Ramdinmawia, General Secretary te chuan ni tunkar thawhlehni (27..6.2017) khan Station an chhuahsan.

Annual Gathering-ah hian BWA hnuaia rawngbawlna peng hrang hrang-a hotute leh Region hrang hranga hruaitute an kal khawm thin a, General Council Meeting bakah Commission hrang hang thenin Discussion Progamme te an siam thin a ni. General Council hi BWA hnuaia Committee Body lian ber niin he meeting-ah hian BCM hi member kan nih angin kum tin President leh General Secretary te an kal thin a ni.

An tum dan chuan Pathianni, July 2 hi Cambodia, Phnom Penh-ah an hmang  ang a, Mission Field te en thlithlaiin Kohhran tlawh programme pawh siam sak an ni. Thawhtan-ah BWA Annual gathering hi an zawm ve anh. An rual hian Rev.Joseph Vanlalruata, Regional Director chu Cambodia-ah hian a kal ve ang a, Field Account Audit a neihpui nghal ang.

 

CMC Council Meeting-ah

June 29&30 a neih tur, Christian Medical Collage, Vellore Council meeting’a tel turin Rev. R.Zohmingliana AGS i/c Service leh Upa Dr B. Laldinliana, Medical Superintendent, Christian Hospital, Serkawn te chuan, June 28 khan Lunglei an chhuahsan a. Rev R. Zohmingliana hi stroke avanga a mit hmuh duhthusama a la chian theih loh avangin a in checkup nghal dawn a, a nupuiin a kalpui.

Dr V.L.Chhanhimi chuan a zirlai DGO (hmeichhe lam specialist)a zo fel ta a, an rual hian a rawn haw chho ang a, July thla atang chuan Christian Hospital,Serkawnah a hna zawm tura beisei a ni. Chanchin kan hriat hnuhnung-ah chuan Dr. V. L. Chhanhimi hian Gynecologist Specialist chu tha takin a paased tih he chanchin kan ziak lai hian kan hre thar bawk.

Posted in BCM News.

Leave a Reply

Your email address will not be published. Required fields are marked *