Meeting pawimawh pahnih zo fel

July 17-18,2019 chhung khan MizoramBaptist Kohhran, Finance Committee Meeting Sap Upa leh Pu Buanga Hall, BCm Office, Serkawn-ah neih a ni a. Meetingah hian ABC 13 atanga aiawh pakhat theuh bakah Assembly ruat member 5 leh Ex-Officio member (BCM puipate) an tel a ni.

He meeting hi President, Rev. PC Liandula’n a kaihruai a. General Secretary Rev. F. Ramdinmawia’n kum kal mek thlathum chhunga BCM sum dinhmun report tlangpui a pe bawk. He Meetingah hian Agenda lian lutuk awm lo mah se 2018-2019 BCM Accounts audit report te an thlir a. Kohhran harsate tanpui dilna leh Biak In sak tanpui dilna te an ngaihtuah bawk a ni.

General Secretary report-in a tarlan danin kum 2019, April – June (thla thum) chhunga BCM-in Target atangin Rs. 157,845,000/-  hmuh tura beisei chu Rs. 1,461,855/- a khumin Rs. 159,306,855 an hmu a, Target pumpui  Rs. 631,380,000 atangin 25.36% an hmu a ni.

Hemi ni vek, Finance Committee Meeting zawh veleh atangin Planning Commission 2020, Central Sector, member 5-awmna chu General Secretary room-ah an thu zui nghal a, Planning Commission 2020 atana Central Committee hnuaia Department hrang hrang te dinhmun zirchianna report leh ruahmanna hrang hrang an thlir ho bawk.

Vawiin. July 19,2019 chawhma dar 11:00 atang khan Administrative Committee Meeting, BCM Committee Hall, BCM OIffice, Serkawn-ah neih chhunzawm leh niin, he Meeting-ah hian thu pawimawh tak tak an rel te zingah Hmeichhe Theologian Post pahnih leh LDC Post pakhat hnawhkhahna tur interview neih a ni bawk.

Posted in BCM News.

admin