Mission Board leh Nomination Committee Meeting Neih a ni.

April ni 7 leh ni 8, 2021 khan 2021 Assembly hnu-a meeting hmasa ber atan  Assembly Nomination Committee leh Mission Board te meeting neiin  an thukhawm.

Mission Board Meeting : April 8, 2021

Mission Board Meeting hi April 8-ah Sap Upa leh Pu Buanga Hall-ah neih niin President Rev. Dr. V. Laldingliana’n Meeting a kaihruai a, AGS – Mission Rev. Dr. C. Vanlaldika’n Report tlangpui pe-in, Bial leh Mission Field hrang hrang atanga thu lut te an ngaihtuah bakah 2021-2022 atana Mission Department plan bawhzui dan tur te rel a ni.

Meeting Report in a tarlan dan in Assembly 2021 in Field thar (Upper Assam) hawn tura a rel chu May thla-a hawn tura ruahman ni in, Field Director tur pawh tirhchhuah fel ni tawh in karleh lamah an awmna hmun an thlen beisei a ni.

Thurel langsar zing ah Tualchhung kohhran pahnih; BCM Horeb Zobawk leh BCM Lunglawn ten Voluntary Missionary rawih an dilna phalsak an ni a, Missionary thawk mek te atanga zirna chhunzawm dil mi 5 te phalsak an nih bak ah, Furlough tura dil te phalsak an ni bawk.

Tiin,  April 7, 2021 khan Assembly Nomination Committee meeting, Spa Upa leh Pu Buanga Hall, Serkawn-ah neih a ni a. Meeting hian Assembly 2021 Rorelna-in a pawm tak, Planning Commission rawtna angin Department hrang hrang Committee member tura a lo ruat tawh chu member ruat belhna leh siamremna an nei a ni.

Planning Commission 2021 chuan Assembly Committee lian pathum – Central, Mission leh Service Committee te chu a tibo ta a, hetihlai hian Department Committee memberte tihpun a ni thung a, Department committee hrang hrangah hian Assembly Nomination Committee hian member 10 a ruat thin tawh dawn a ni.

Assembly Nomination Committee Meeting : April 7, 2021