Mission Board Meeting neih a ni.

Tunkar Thawhlehni, August 17, 2021 khan Mizoram Baptist Kohhran, Mission Board Meeting, Sap Upa leh Pu Buanga Hall, Serkawn-ah neih a  ni a. Meeting hi   President Rev. Dr. V. Laldingliana’n a kaihruai a. Rev Dr. C. Vanlaldika, AGS (Mission)-in report tlangpui a pe.

AGS (Mission) report-a a tarlan zingah  – June Ni 6, 2021 (Pathianni) a Mission Field thar, Upper Assam Field thawktu Field Director leh missionary dang 7 awmna sawn a nih a thu te,  Kum 2021 chhungin Missionary pali – Pu Isaac Rochunglura Chinzah, Arunachal West Field, Pu CL. Remruata, Kolkata Regional Office, Rev. Lalhmingchhuanga Jongte, Field Director, Norh India Mission, Delhi leh Pu B.Jonathana, Baptist Masihi Mission ten min boral san thu leh Pu P. Biakthansanga, Evangelist Teacher, Baptist Comprehensive School, Marpara ‘S’ chu June 1, 2021 atanga Voluntary Pension-a a chhuah thu a tarlang bawk.

Mission School hrang hrang hrang te HSLC leh HSSLC result tha tak an neih thu tar langin, High School 15 an neih atangin Exam 508 an awm a, chung zing atang chuan 95.27 % an passed bak ah School 11 te chu Exam zawng zawng an Pass vek thu a tarlang bawk.

Meeting ah hian Missionary paruk B.Ed. Training dil atangin mi Pahnih, Vanlaldina, BMS Tuichawng, Chakma Mission leh Lalduhawmi Sailo, MEC Ziro, Arunachal West Field a thawk te an dilna phalsak an ni a, Lalramliana, Nazareth Comprehensive School, Vathuampui chu Correspondence-a B.A. a zir phalsak a ni bawk. Nghalimluia Bru Baptist Church Sub-Headquarters Office sak mek  atan ram lei belh dilna te; Borapansuri, Chakma Mission hmalak mekna atana sum dil belhna te, Upper Assam Field tana Motor lei dilna te Property Committee-ah thlen turin remtih a ni bawk.

BCM Peniel, Hnahthial in Missionary Tripura hmuna an tirh mek C.Lalbiaksanga chu missionary-a chhinchhiah (recognised) an rawn dil angin remtih a ni a. Mt. Carmel Mission School, DLBCA, Arunachal in, an school  BCM-in lak sak tura an dilna chu zir chian ni se tih a ni bawk.