Mission Fields report tlangpui

Mizoram Baptist Kohhran chuan Pathian kaihhruaina ropui tak dawngin Mission rawngbalwnaah theihtawpin  hma a la ve zel a. Mission Field hrang hrang 24-ah Missionary te leh a rami thawktu mi 1300 dawn dahin hma a la a ni. January-JUne thlenga report kan hriat chinah ringthar 835 nei tawhin Kohhran thar 5 phun a ni bawk

Kumin March thla chawhnu lam atang khan Coronavirus (Covid-19) avangin ram pumpui chu Lockdown kalpui a nih tak avangin  Mission rawngbawl hna pawh engemaw chen chu a khaih lak nghe n ghe a ni. Nimahsela, hetih lai karah Mission Field hrang hrang atangin Pathian hnathawh kan hmu reng tho a ni. Kumin January atanga June thleng khan hetiang hi kan hmalakna hrang hrang atanga report kan dawn a ni. Coronavirus avanga inkharkhip karah Pathianin hna a thawk zel a, boruakte han zia se, Kohhran thar din tur leh Baptisma chang thar tur engemaw zat an awm a ni.           

Arunachal East field

Arunachal Pradesh East field-ah hian Director, Rev. Lalsangzuala Sailo hovin BCM Missionary pakua, Tualchhung tirh missionary pahnih, Tailoring instructress (bial & tualchhung support) pahnih, Evangelist (BCM support) – 17 leh Evangelist (mimal support) – 4 an awm a. He field-ah hian association pathum – Adi Baptist Union (ABU),  Galo Baptist Union (GBU)  leh United Galo Baptist Church (UGBC)  te nen kan thawk ho mek  a ni.  Kumin chhungin ringthar baptisma chang 113 neiin Kohhran thar 1 an din tawh a ni.

Arunachal Far East

Rev. James Zorammawia, Field Director a ni a. Arunachal Far East hian Arunachal Pradesh-a district pathum leh Assam state- a district pahnih a huam a. Tunah hian field director hovin missioary 10, Volunteer pakhat leh local worker 12 an bung mek. Kuminah hian hripui leng karah mi tam tak Baptisma chan duh kan nei belh zela. Ringthar baptisma chang 157 lai an nei tawh a, Kohhran thar pakhat an din tawh bawk.

Arunachal West Field

Arunachal West field-ah hian Director, Rev. Lalbiakhlua Chawngthu hovin BCM Missionary 22  leh thawktu dang 16 an bung mek a. kumin chhunga baptisma chang zat 28 an nei tawh a ni.

Assam Field

Assam field pawh hi Area thumah \hen a ni a. Chungte chu Rabha Area, Dhubri Area leh Boro Area te an ni. Tunah hian field Director, Rev. Zonunvula Ralte hovin Missionary 20, Native Worker BCM Support 36, Voluntary Missionary (School Support) 10 leh Native worker (Mimal, Tualchung Kohhran leh Pawl Support) pasarih an awm mek.  Kohhran 91 leh Fellowship 10 awmin member 14,712 lai an tling tawh a. Kumin chhunga baptisma chang thar zat chu 176 an ni.

Madhya Paradesh & Maharastra (Korku) Field

Tun hmaa Korku field kan tih \hin kha a ni a, field Director chu Rev. V. Biaknunsanga a ni. Tunah hian thawktu Missionary Pahnih, Native Workers-17 leh Private chawm pahnih an awm a. Kohhran pariatah member 620 awmin kumin chhungin ringthar baptisma chang paruk an nei tawh.

Bhutan Field

Bhutan field-ah hian Director hovin thawktu a ram mi thawktu 20 an awm a, Baptist Church of Bhutan hnuaiah kohhran 14 awmin member 304 an awm. Kumin 2020 hian Baptisma target 32 an nei.  

Tripura Field

Tripura field hi BCM in missionary rawngbawl hna kan thawh tamna leh ngaihnawm be rte zinga mi a ni. Tunah hian field Director, Rev. B. Rothangpuia hovin Missionary 26 bakah Native Worker 36, Private sponsor missionary 14 leh School sponsor 44 an bung mek a. Kohhran 435 awmin Kristian 28,861 an tling tawh. Kumin chhunga ringthar 71 an neih belh tawh bawk.

Bengal Field 

Bengal field hian Birpara leh a chheh vel a huam a. Area pathumah then a ni. Tunah hian field Director, Rev. H. Lalengmawia hovin missionary 16 bakah Native Workers 82 an bung m>k a. Kumin chhungin baptisma chang 27 an nei tawh a ni.

Chakma Mission

Chakma Mission hi Mizoram chhunga Ramthim lama kan rawngbawl tanna leh tun thlenga kan la thawh m>kna field pawimawh tak a ni. Tun dinhmunah Director, Rev. A. Zohranga hovin missionary 82 leh  Native worker leh Private leh School chawm 164 an bung mek. Kohhran/Fellowship 74 awmin Pastor Bial 10-ah \hen a ni a. Kohhran Member zât 6,230 an tling tawh. Kumin chhungin baptisma chang thar 100 an nei tawh a ni.

Non Mizo Mission

Non Mizo Mission hi Lungleiah Director-in a thutchilh a. Tunah hian Director, Rev. B. Zirsangliana tiamin Evangelist 16 an awm. Fellowship (Sangati) 18-ah member zawng zawng 882 an awm a. Kumin chhungin ring thar Baptisma chang 32 an nei tawh a, Kohhran thar pakhat an nei tawh bawk.

Jharkhand Field

Jharkhand field-ah hian Director, Rev. Lalhnehliana hovin missionary panga an bung mek a. Anmahni pui turin Native worksers 41 an awm a, Field area-ah hian Kohhran 32-ah member 1500 vel an awm a. Kumin chhungin ring thar baptisma chang 29 an awm tawh.

India ram pawn: Kumin chhunga India ram pawn Field hrang hrang-a ringthar dinhmun hetiang hi a ni: Nepal Field-ah mi 27, Bhutan-ah pakhat, Cambodia-ah 2, Thailand-ah 4, Bangladesh(Miria)-5 leh Arakan-ah 13 leh Kohran thar 1 an nei bawk.