Mission News

Serkawn-in Mission Action Team din.

Baptist Missionary Society (BMS) te hian khawvêl hmun hrang hrangah thalaiten Chanchin Tha hril an ngaihpawimawh zêl theih nân Action Team siamin a tîr thîn a. Mizoramah pawh vawi 4/5 an lo kal tawh a. He thil hi a that zia hriain Serkawn Tualchhûng Kohhran chuan Hqrs.Mission Dept. be râwnin Mission Field a tûlna hmun apianga an hun neih dân ang zêla Mission hna thawhpui tûrin thalaite tân kawng a hawng ve ta. A vawikhatna atân Damparengpuia Missionary-te pui tûrin Tv Isaak Vanlalruata Jongte S/o J.Lalrosanga (L) Serkawn chu engemaw hun chhûng atân a tîr dâwn ta. Sênso zawng zawng hi Tualchhûng Kohhranin a tum vek ang  Mission Dept. ten Orientation an neihpui hnuah a kal ang.  Tunah hian midang pakhat tan Advertisement  an siam leh mek a, thalai inpe a duh apiang tan chhan theih a ni.

Mission Convention:

#July ni 14-15 chhung hian Hnahthial Bazar-ah Bial huap Mission Convention neih a ni dawn a. Speaker-ah Rev.Rodinmawia Ralte, Bialtu Pastor, Resource Person atân Rev.Dr.C.Vanlaldika, AGS i/c Mission leh Upa H.Laltlankima, Asst.Proffessor, AICS te an ni ang.

#Electric Kohhran, Hnahthial pawhin July ni 14-15 chhûng bawk hian Mission Convention an nei dawn a. Speaker atân Upa HL Liantluanga, Mission Promoter an hmang thung ang.

Work Camp

#Unit TKP Gilgal, Theiriat chuan kumin 2018 Planning-a an dah angin Teaching Work Camp (Mission Sikul mamawh Science leh Mathematics zitîr hna) nei tûrin July ni 30 – Aug ni 4 chhûngin BMS Tuichawng leh Putlungasih High School-ah an feh chhuak dâwn. Teaching hna thawk tur hian thalai 11 lehkhathiam an kal ang.

#BMP Ramhlun North Unit te chuan Headquarter lam te nên indâwrin Work Camp neih ni se tih chu Bhutan Field Director  Quarter, Jaigaon chei tha tûrin Dt 6.7.2018 (Thursday) khan an chhuak ta, tawngtaipui ang u.

Baptisma chang thar:

Dt. 8.7.2018 hian CBC Tuikawiah Lalpan Baptisma chang thar mi 4 min pe leh ta..heng zinga 2 hi Budhist atanga Lal Isua ring tûra rawn inpe thar an ni a, a dang 2 hi ringtu ni tawh sa an ni..Bialtu Pastor Rev.Rupentoa’n a chantîr a ni.

Posted in BCM News.

Leave a Reply