Mission News

Missionary Conference:

Kum 4/5 dana neih thin, Missionary Conference chu November 1-4, 2018 hian Mizoram Baptist Kohhran Biak In, Electicveng, Lunglei-ah nghah a ni dawn a. He Conference thupui atan “Thlarau Thianghlim, lo kal la, I hna thawh ti harh leh ta che” tih thu hman a ni ang a, Rev. Lianchhunga Khiangte, MTKP Organiser chu Speaker a ni ang. He Conference atan hian BCM Headquarters Mission Deparetment leh a dawltu Kohhran te pawh an inpuahchah tan mek a, Missionary hmun hrang hranga awm te pawh Conference rawnhmang tur hian chah chhuah an ni dawn a ni.

Mission Crusade:
August 4-5,2018 chhûng hian BCM Central Church-ah Mission Crusade neih a ni dawn a, Speaker atân Rev.B.Lalrinawma, Mission Co-ordinator, BCM chu hman a ni ang.

Work Camp leh Field tlawh:

#Tawipui South Unit TKP  te chuan Huto English School, Nirjuli, Arunachal West field-a School  Ceiling siam hna thawk turin tûn kâr 30.7.2018 (thawhlehni) khan Tawipui South an chhuahsan. An tum dân chuan tunkar Pathianniy hi an hmanpui ang a, thawhtanni hian Nirjuli chhuahsanin lo haw an tum a ni.

Baptisma chang thar :

#Dt.27.7.2018 Sunday khan Hatikhal khua Assam state chhûngah mi 39 ten Lal Isua chu Lal leh Chandamtuah pawmin ringtu Baptisma an chang. He khuaah hian Bru Baptist Kohhran thar pawh din nghal a ni. Hei hi Bru Mission hmalâkna niin Bru Baptist Kohhran Executive Secretary Rev. Lalzuitluanga leh BBC. Pastor Laltlanliana, New Eden Bialtu Pastor ten Baptisma hi an chantîr a ni.

#Dt. 27.7.2018 Sunday vêk khan Thailand-a Rev. Lalrinmawia Renthlei thawhna Nanongthum khuaah mi pathumten ringtu Baptisma an chang bawk. Hêng mite nên hian kumin chhungin mi 33 Baptisma hi chantîr a ni ta. Ti hian an enkawl Kohhranah member hmun dang atanga lo kalte nên mi 40 bawr vêl an ni ve ta a ni.

#Dt. 27.7.2018 Sunday vêk khan Lunglei khawpui chhûnga Chakma Mission hmalâkna kal zêlah BCM.Venglai Kohhranah Chakma pual bik camping neihpui a ni. He camp hlawhtlinna hmuin ringtu Baptisma chang mi 5 lai mai neih a ni leh ta. Baptisma hi Rev.B.Lalrinawma, Mission oordinatorin a chantîr. Lunglei khawpui chhûnga Chakma mission hmalâkna hian rah tha tak a chhuah zêl a. Khawpui chhûnga CBC pual tân Evangelist pakhat missionary awmin fellowship pawh pakhat neih a ni ta bawk.

Posted in BCM News.

admin