Mission News

Mission Convention:

September 14-16 chhung hian Kanan Kohhran, Hnahthial chuan Upa HL Liantluanga, Mission Promoter Speaker-a hmangin Mission Convention an nei dawn.

Retreat/Seminar:

Rev. B. Lalrinawma, Mission Coordintor chu Arunachal West Field Zero leh Assam Field Partkijuli-ah thawktute  pualin Retreat/ Seminar neihpui turin vawiin, September 13 khan Headquarters a chhuahsan.

Mega Music Festival Cum Crusade buatsaih

September 6-8, 2018’ khan Arunachal Far East-ah Missionaryte leh ringtu thalai ten Mega Music Festival Cum Crusade ti a hming dahin Open Air Programme an buatsaih a, he programme hi ringlo tute hipna tur atan a duan ani. Rimawi leh Thu ten Chanchintha an puang a, ringlo mi tam tak an lo kal khawm a, Isu chanchin sawina hunt ha tak neih a ni.

Missionary Retreat

Arunchal East Field-a Missionary & Evangelist te pualin  September 13-16, 2018 hian   hian Retreat and Training progamme an nei dawn a, Speaker-ah Rev.K.Lalnunsanga Regional Director, Gauhati Region a ni ang.

ABU Thalai Inkhawmpui

August 31- September – 2, 2018’ chhung khan ABU (Adi Baptist Union) huap Youth Leadership Training chu Pasighatah neih a ni a. Speaker atan Field Director leh C.Lalramnghaka leh an thalai Secretary Luke ate an ni.

Leadership Training

15th Sept. 2018 hian CBC hnuaia Pastor Bial hrang hrang a Chakma Baptist Hmeichhe pawl te chuan Leadership training an nei dawn a. Resourse person tur chu Pi Saizami Sailo, Organiser ani ang. Hlawkna an char chhuah ngei theih nan dil pui ila.

Non-Mizo Inkhawmpui

7th – 9th September 7-9, 2018 khan “Kan thlen chin atang khan hma i sâwn zêl ang u” tih thupui hmangin Non-Mizo inkhawmpui Peniel Biak in, Hnahthialah Programme an hmng thain an hlim hle a, Mizoram hmun hrang hrang atangin Inkhawmpui chhim palai zthum chuang zet an kal khawm a ni. He Inkhawmpui-ah hian ringthar mi 7 laiin Baptisma an chang bawk.

Bhutanah Kohhran tlawh progamme hmang:

Bhutan Field a Kohhran hote tlawh chhuah kal zelah September 22 leh 23 khian THIMPHU leh PARO Kohhran te chu Field Director hovin Misionary ten tlawh tum a ni a. Bhutanah hian rawngbawl a harsa in, Kohhran te tlawh tur pawn permit neih te angai a. chutah tun thla hi an ram in thlanpui an neih hun a ni a, security a khauh hle. Chuvangin Thawk tu ten Thimphu leh Paro an tlawh theih nan I tawngtaipui ang u.

Salvation Camp buatsaih tum:

West Begal Field, Sikkim lama Ring lo mi te a tam thei ang ber hui khawma Native Worker te pawh tel vek in Salvation Camping Cum Worship Service puitham deuh hlek neih tuma hmalak mek a ni. Heta tan hian sum dahsa a awm lova, mi inphalte rin chhanin sum neih anih ve leh buatsaih tum a ni. A hun leh ni tur la ruat fel theih a ni lo va, hemi tan hian Kohhran hoten tawngtaipui ila.

Leadership Training & Financial Campaign
Chakma Baptist Church (CBC)  Upa leh Rawngbawltute pualin Leadership Training & Financial Campaign hmun hrang hrangah neih chhoh zel a ni a, Pastor bial 6ah neih ani tawh a. September 1-2 khan Nghalimlui Pastor bial leh Longpuighat Pastor Bialah neih leh niin,  Tuichawng Pastor Bial huapin he progamme tho hi September 9-10 khan neih leh a ni.  Resource person – Rev A. Zohranga.Field Director leh Pu Lalbiaknunga. Acountant CBC te an ni.

Kuminah-ah ringthar 108 nei tawh:

Kumin 2018 chhung hian Assam Field-a Misionary te chuan ringthar 305 a seng nei turin Target an inseam a, July thla thleng khan ringthar 108 an nei tawh a ni. Assam Field-ah hi Area pathumah then  ni a, chuta ringthar neih dan leh an target hetiang hi a ni.
Rabha Area :  Target -150 – Rinthar neih tawh zat – 69
Dhubri Area :  Target -70 – Rinthar neih tawh zat –  21
Boro Area :  Target -85 – Rinthar neih tawh zat – 18
Total :  Target – 305 – Rinthar neih tawh zat – 108

Arakan-lamah pawh hamsawn zel:

Burma ram, Arakan-ah Kumin chhungin ringthar 50 leh Kohhran thar 3 an target a. Ringthar 20 leh Kohhran 1 an nei ve ta. Arakan hi 2017 khan BCM-in Missionary tiring a lut tan chauh a, Kohhran awmsa pakhat leh ringtu(Kristian) 150 vel an awm sa a ni. January 2017 khan BCM Missionary Rev. Lalmuanzuala te chhungkua hian  Akyap-ah an lut a ni. Tunah hian Kristian awmna khua pathum awmin Biak In nei mumal an la awm lo a ni.

Posted in BCM News.

admin