Mission News

Missionary Furlough:

Rev. Carey H.Vanlalmuana, Thailand te chhûngkua chuan Bazar Pastor Bial, Lungleiah deputation furlough hun an hman zawh hnuin, ni 17-21 June, 2017 chhûng hian Chhippir Pastor bial-ah furlough programme an hmang leh ang. Furlough an hman zawh hnu hian, Nagaland-ah hun an hmang leh lawk ang, Australia-ah an rawngbâwlna kal zêl atâna tûl thil tiin an kal ang.

AGS Mission- chhiatna tawh dan enin a kal

Tunhnaia Cyclonic Rain (Ruah leh thli) avanga Mizoram leh thenawm state hrang hrang te a tuam avangin BCM Mission rawngbawlna hmun pawimawh te pawh nunphung a khaihlakin an buai hle a. Heng harsatna thlenna hmun te a hmuna enpui a, hma lak dan tur te ngaihtuahpui turin Rev. Dr. C. Vanlaldika, AGS i/c Mission chu tukin, June 14, 2017 khan a chhuak a. ruahman ang chuan Phairuangkai leh Tuichawng a tlawh ang a, hemi hnu hian kawng tlang dan a zirin Zawlpui tlawh leh a tum bawk.

Work Camp:

Serkawn Kohhran chuan Dialong, Tripura-a kan Mission School, tûn Cyclone-in a tihchhiat siam tha tûrin June 15-24, 2017 hian an feh chhuak dawn a, mi 23 vêl kal thei turin an inbeisei.

Mission Field tlawh:

S.Vanlaiphai Pastor Bial Mission Committee chuan Tripura Field-a BCM rawngbawlna hmun hrang hrang – St.James School, Yakhili School leh Gorjee Tailoring Centre te tlawhin Pathianni liam ta, June 11 hmangin member 20 vel an kal.

Posted in BCM News, Mission News.

Leave a Reply

Your email address will not be published. Required fields are marked *