Mission News

#General Secretary-in Bhutanah Building hawng

Mizoram Baptist Kohhran Mission Field,  Bhutan, Jaigaon ah BCM Building sak thar, Missiosnary quarters tur leh kohhran ho inkhawm na tur hall chu BCM General Secretary  Rev. F. Ramdinmawia’n vawiin October 20,2017, chawhma lam khan Pathian hnenah hlanin a hawng.

He programme ah hian Regional Director te, Rev.Lalhmunsanga Kolkata Regional leh  Rev.Joseph Vanlalruata Guwahati Region te an tel. Zanin tlai atang hian West Bengal  field silver jubilee hmanpuiin  Kohhran hrang hrang-ah chawlhni thleng an hmanpui leh nghal ang.

#Strategic Mission Week hmang zo.

October 12-15, 2017 chhunga Mission Department buatsaih, Strategic Mission Week chu tluang takin zawh fel ni a. He programme-ah hian Regional Director, Field Director leh Mission School Headmaster te an tel tha hle. Tel tûra ruat zîngah Rev.T.Lalsangvunga, Field Director, MP & MS (a dam lova), Pi Lalthanzuali, Principal St.Paul’s, Tripura chu (harsatna dang avângin) an lo kal thei lo bawk a, kal tura beisei mi 40 atangin 38 an kal khawm a ni. A tlângpuiin he Programme atanga kan Mission hmalâknaa Kohhranhoten kan hma tlân tûr leh kan hriat reng tûr kawng hrang hrang zîngah a then han târlang ta ila:-

1) Kan Mission Field-a ringtute tinghet tûra a theih dân ang ang a, hma lâk leh a, anmahni ngaih pawimawhna lian deuh deuh se.

2) Platinum Jubilee kan hmang tawh a, kan hmabâk kan tih ngei ngei tûr chu BCM Assembly-in a lo rêl tawh anga Field Evaluation neih thuai a, chumi atanga Field tinah thlenpui tûr chin bithliah a, chumi tihhlawhtlin nâna theihtâwp chhuah chhoh zêl ni se.

3) Tualchhûng Kohhran atanga Headquarters thleng hian Common Strategy hmanga sâwt zâwka Field lama nasa lehzuala hmalâk a tûl.

4) BCM Mission hian Policy fel tak kan nei tho nain, a mimir zawm tlân theih ruahmanna thar siam kan mamawh.

5) Missionary la training lote an training dân ngaihtuah chhoh zêl ni bawk se.

Posted in BCM News.

Leave a Reply

Your email address will not be published. Required fields are marked *