MISSION NEWS

NEICC Seminar-ah Rev.Dr.C.Vanlaldikan Paper a present

AGS Mission Zin:

May 23,2019-a North East India Christian Council (NEICC) buatsaih “Seminar on Contremporasry Issue” tih thupui hmanga Khumulung, S.Tripuraa neih-ah  Rev. Dr. C. Vanlaldinka chu Resource Person atan sawm a nih angin a thang mek a. “Partnership in doing Mission in the context of North East India” tih thupui hmangin paper a zu present a ni. 

Work Camp:

#Serkawn Kohhran chuan Tuikawi Chakma Mission-ah Mau 13-16 chhung khan Work camp an nei a, thawktu quarter thar pakhat sak zawh sakin, midang l;uah lai an repair bawk. Member 16 an kal a, zan lamah rawngbawlna neiin Isua Film te an chhuah sak a ni.

#Hrangchalkawn Pastor Bial Thalai Kristian Pâwl bul tumin Khojoysuri CBC Pastor quarter sak lai chhunzawm lohva awm chu sak sakin luah mai theihin hna an thawh zawh sak a ni. He work camp-ah hian mi 26 lai thalai rualte an thawk chhuak a ni.

Furlough hmang mêk:

1) Pu B.Khawtinkhuma, Evangelist Teacher Chawngteluia thawk mêk chuan tûn kar chhûng hian Cherhlun Pastor Bialah Furlough programme a hmang mêk a, Cherhlun bialah hian  May ni 22 – June 2, 2019 chhûngin hun a hmang ang.

2) Pu L.Vanlalzuia, Area Supervisor, Siliguri, Rajbhongshi Area, Bengal Field-a thawk mêk pawh an chhungin Pangzawl Pastor bialah Furlough programme a hmang mêk a. Tun Pathianni zan hian an Furlough hun tâwp an hmang dâwn bawk a ni.

3) Rev.J. Lalduhawma, Cambodia Mission Field-a Field Director hna thawk mêk chu Mizoramah Furlough Deputation programme hmang turin June ni 12-ah a lo chhuak ang a, June 15-19 hian Hnahthial North Pastor Bialah hun a hmang ang a, June 22-30 chhungin Republic Pastor Bialah hmangin,  July 3-14 ah Siaha West leh East Bialah te Furlough programme a hmang ang.

Mission Convention:

# Mamit Pastor Bial chuan May 24th – 26th, 2019  Mission chhung hian “Lo chu Khawvêl a ni”  tih thupui hmangin Bial huap Mission Convention an buatsaih a, Speaker-ah Upa HL.Liantluanga, Mission Promoter chu Speaker a niin Nl.Lalruatpuii Sailo leh Tv.H.Lalrinmawia ten an tawiawm ang.

#Mission Vengthlang Pastor Bial chuan May 25-26, 2019 chhûng hian Rev. LB Khawpuimawia, Bialtu Pastor Speaker-a hmangin BCM New Secretariat Biak Inah Mission Convention an nei ang.

#Lawngtlai North pastor Bial pawhin Hemi chhung vek hian hian Rev.F.Sangvela Speaker-a hmangin BCM Salem, Lawngtlai-ah Mission Convention an nei vet hung dawn a He Convention hi BCM Missionary C.Lalngilneia, E.T.BBS Chawngte, K.Lalbiaknunga, Accountant, Chakma Mission leh Lalramengi Chawngthu, Evangelist Nurse ten an hmanpui ang.

Bhutan lam tân kâwl a êng mêk:

Field Director Rev R.Lalremruata hnên atanga report kan dawn dânin Bhutan ram chhûng hmun hnih lai maiah Kristianna an duh ve thu leh Isua Krista Chanchin tha hrilh tûra an ngenna thu dawn a ni. Reilotêah Kristian an rawn nih ve pawh a beisei awm hle. Kristian la awm lohna khuaa hetianga sâwmna an han dawng nawlh mai hian rilrute a ti tharin chona sâng taka a ngaih thu report dawn a ni. Hemi a nih avâng hian Kohhranhoten tawngtaia tan lain Bhutan Ram Lalpa tân tiin i tang sauh sauh ang u. Hlawhtling taka hêng an rawn sâwmna hmunah hian rawngbâwlna an neih theih nân tawngtaipui ang u.

Mission Compound inkaihhruaina buatsaih mek:

Mission Board Committee Meeting No. 42 of  2019-in a rêl angin Mizoram Baptist Kohhran Mission Compound hmun hrang hranga kan neihte enkawl dân tur ruahmanna siam tura ruat Rev.R.Lalthangliana, Mission Coordinator, Rev.B.Zirsangzela, Pastor Incharge Non Mizo Mission, Upa HL Liantluanga, Mission Promoter te chuan inkaihhruaina an buatsaih mêk a, reilotêah inkaihhruaina hi neih beisei a ni.

Headmaster Account Training zo fel ta:

BCM Head Quarters-a Finance Department-in BCM Mission School Headmaster tharte tâna Account Training May ni 13-17, 2019 chhûnga a buatsaih chu tluang takin zawh fel a ni ta.

Posted in Uncategorized.

admin