Mission News

TKP Republic Vengthlang Unit:

November 4-11 chhung khan TKP Republic Vengthlang Unit, Aizawl chuan Mujnai West Bengal Mission field, Birpara Area a awm Nl. C. Lalremruati leh Nl. Gospel Lalhmingtani te thawhna hmun an tlawh a. Mujnai Biak In chung rawnghnawih te Bathroom bang rawng hnawih te, Puanthui zirna room chhung rawng hnawih te Gate rawng hnawih hna te an thawk a ni a, Tin, Mujnai atanga Km 2 vel hla a awm, Bangabari Biak In kawt chu Cement Bag 14 in an chhung bawk a ni. Heng Mission Field tlawha kal te hi November 13 khan dam takin Aizawl an lo thleng a ni.

Aizawl Shalom kohhran

November 14-17 chamin Shalom kohhran, Aizawl chuan Jharkhand Field an tlawh a, Jharkhand Field-a BCM rawngbawlna hrang hrang te leh Kohhran hrang hrang an tlawh a ni. Jharkhand Field tlawh kal Shalom Kohhran te hi member 8 an ni a, An cham chhungin field chhunga kohhran 31 zingah kohhran 14 tlawhin, kohhran harsa tak takte tanpuina an hlan a ni. Mission Field tlawha fehchhuakte hi tunkar thawhtanni khan Jhakhand chhuahsanin a lo haw a, ni 21 khan Aizalw an lo lut leh a ni.

Jharkhand Field hi kum 2014-ah hawn a ni a, tunah hian BCM Missionary 5 awmin a rami thawktu 41 te nen Kohhran an enkawl a ni. Tun dinhmunah Jharkhanaad Field-a BCM thawhna areaah hian Kohhran 31 an awm a, Kohhran member zawng zawng hi 1500 vel an ni. Kumin chhungin baptisma chang 71 an nei tawh a ni.

Mission convention:

BCM. Luangmual, Lunglei te chuan “Mission leh Kohhran” tih thupui hmangin Inrinni leh Pathianni hmang hian Weekend Mission Convention an nei mek a, Speaker-ah Upa HL.Liantluanga Mission Promoter. Speaker niin Baptist Mashihi Choir leh Female voice Lunglawn East ten an \awiawm bawk.

Work camp an nei mêk:
#BCM Bethany, Lawngtlai member 11 te chuan Arunachal West field a, Nyishi Baptist Church Council compound-ah NBCC Chapel a hman tur \hutthleng siamin work camp an nei mêk.

#Zemabawk Kohhran member 14 te chu tunkar Thawhtanni, November 18 khan Marpara South BCM Mission Compund-ah Work Camp-in an kal a. Marpara-ah hian Missionary Quarters Ceiling leh tukverh frame te siamta-in, hna tul ang ang an thawhpui hnu-ah tunkar Ningani khan an haw veleh ta bawk.

Posted in BCM News.

admin