Mission News

Ringthar Baptisma chang te

#Kumin chhungin Chakma Missionah ringthar 217 in baptisma chang an nei:

BCM Mission Field Longpuighat Betbonya veng (Lawngtlai Dist) Baptist Mission School chuan December 4-6 khan Pu Vanlallawma Hnamte leh Evan Sumo Ratan te Speaker-a hmangin  Gospel Meeting an nei a. He Gospel Meeting tawp ni-ah ringthar 22 leh Ringtu ni tawh sa 1 an vaiin mi 23 in baptistma  an chang.

Heti hian Chakma Baptist Church in kumin 2019 chhunga ringthar target ah 200 an lo neih chu hmun danga ringthar neih te nen tunah chuan 217 lai an lo nei ta a ni.

#Halam Christian Fellowship, Aizawl ten BCM House, Upper khatla ah Advence Christmass hmangin Missionary pensionte chawimawina an nei

Ni 8 Dec.2019 khan Halam Christian Fellowship, Aizawl ten BCM House, Upper khatla ah Advence Christmass hmang pahin missionary pension te chawimawi a thil pek pek na hun an hmang a, speaker atan Pu Joseph Lalhimpuia BCM CHanmari Lunglei an hmang. hun hlimawm tak hman a nih hnuin tlai lamah ruai theh a ni. Halam Christian Fellowship hi hnam sawm leh pahnih awm khawmna niin, an evengelis hi BCM Chanmari, Lunglei ten an chawm a ni. Halam hi Aizawl a kan ES hmasa lo awm tawh ten a an din a ni.

#Belpei-ah Salvation Camping neih a ni

Chakma Baptist Church(CBC) Belpei-ah December 11-14 chhung khan Pu.Jomadon Speakera hmangin  Salvation Camping neih a ni a, Chanchin kan lakkhawm lai hian Campers 36 zet an lut tawh a, la luh belh tur an la awm hlek bawk a, Pathianni zan thlebg crusade neih chhunzawm a ni ang.

#Damparengpuia BCM missionary ten Retreat an nei.

December 7m Inrinni khan BCM Comprehensive High School, Damparengpuia thawk BCM missionary te chuan Rev F.Sangvela Speakera hmangin Retreat an nei a, Missionary ten nuam an tiin hlawkthlak an ti hle.

 

Work Camp-in hun hmang mek

BCM Electric Veng, Lawngtlai Mission Committee leh ṬKP ṭangkawpin Arunachal East Field, Tirban leh Basar hmunah Work Camp – in Biak In sak, Electric Wiring, Biak In rawng hnawih, Quarters renovation te an thawk a ni.

He work camp hun hmang tur hian Decvember 4 zan khan Rev. R. Lalnunzira, Executive Secretary Lawngtlai-in Orientation Training a neihpui a, December 11 (Thawhtanni) zing khan Arunalachal lam pan hian a chhuak a, December 13 khan an Work Camp-na hmun Tirbin leh Basar thleng thlain, hna an thawk ṭan nghal a ni. He Work Camp tur hian Cement mistiri 2, Thing mistiri 2, Rawng mistiri 2, Electrician 1 leh helper 11, an vaiin mi 18 an kal a ni.

He work camp hi Mission Committee leh Unit ṬKP hian an Plan zinga an dah a ni a, a hmun hi Arunachal East Field-a Field Director sawmna leh ngenna angin Arunachal East Field-a Tirbin leh Basar hmunah hian an work camp a ni.

Ruahman lawk ang chuan hna hi December 22 hian  an hna thawk zo hman tur leh a tuk Inrinni-a a lo haw chho thei tura beisei an ni.