Mission News

#Mission Convention

BCM New Serchhip Bial chuan Rev Dr. R. Lalthanmawia Executive Secretary Aizawl Area Speaker a hmangin January 18  & 19 khan Mission Convention vawi khatna BCM New Serchhip Biak In-ah neih a ni a,  Convention thupui “Chanchin tha hi hril rawh u” tih hmangin thuchah tha tak tak ngaih ngaihthlak a ni.

He Convention hi Nl KC. Vanlalzami BCM Chaltlang, Aizawl leh N. MC. Laldingliani BCM Electric Hnahthial ten zaia rawngbawlin an tawiawm a, kohhran ho ten an hlutin inkhawm boruak an ti nuam hle.  Pathian ni chawhnuah mission Focus neih a ni bawk.

 

#Gospel Meeting.

#January 15-17,2020 chhung khan Nazareth H/S Vathuampui chuan SK Miller Speaker-a hmangin Gospel Meeting an nei a. School Naupangte an hlim hle. Gospel Concer leh Prayer walk te neiin mittui nen khalai an fang chhuak a, a tawpah School-ah lutkhawm lehin Tawngtaihona leh Pathian chawimawiin an zai leh a ni.

#January 16-17, 2020 khan Arunachal West Field-Huto English School pawhin Rev. K. Lalhnunsanga, Regional Director, Guwahati Speaker-a hmangin Gospel Meeting an nei a, Pathian hruaina changing an hlim hle. Gospel Meeting-ah hian Pawl khat atanga Pawl sawm zirlai 236 an lo tel a, mi 231 ten Isua Krista chu Lal leh Chhandamtuah pawmin an inhlan a a ni. He Gospel Meeting-ah hi Guwahati atangin Missionary Rbt RC Vanlalhriata leh Tv K.Ramdinpuia ten an hmanpui bawk.

#Biak In sakna tur sumtuakin Mizoramah an lo chhuak:
January 18 (Inrinni) khan Tripura Field-a BCM rawngbawlna, Molsom hnamte zinga Kohhran pakhat – Darjeling Kohhran hruaitu – phanihte chu an zinga thawk,  Missionary Pu C. Lalbiaksanga hovin an biak In sak lai sumtuakna atan Coconut engemawzat rawn phurchhuakin Mizoramah an rawn kal a, Mizorama an sumtuakna tur atan hian BCM Thenzawl Pastor Bial TKP te leh TKP Ramlaitui Unit ten an lo buaipui a, BCM Peniel, Hnahthial ten an lo pui bawk a ni.

Darjeling Kohhran hi Kohhran naupangte la niin, Saisawm Sazai Baptist Association hnuaia Molsom hnam Kohhran a ni a, Kohhran member za chuang hlek niin chhungkaw 20 vel an awm a ni.