Mission News

AGS mission leh AV manager ten Kawrpui chhuah an tlawh:

February 13, 2021 (Inrinni) khan rev. Dr. C. Vanlaldika, AGS – Mission leh Audio Visual Production Manager C. Lalhmachhuana te chuan Chakma hnam zinga kan rawngbawlna hmun Kawrpuichhuah tlawhin helai hmuna Mission rawngbawlna kalmek ah thawktu te nena inkawmhona te nei in, helai hmuna rawngbawlna chanchin kohhran mite en theih turin an buatsaih nghal bawk.

Lunglei Area Bru Mission Workers’ Retreat neih a ni

February 13-14, 2021 khan Putlungasih Comprehensive High School-ah Lunglei Area-a Bru Mission hnuaia thawktute pualin Retreat neih a ni a. Speaker-ah Mission Co-ordinator Rev. R. Lalthangliana hman a ni.

He Retreat-ah hian Lunglei Area a Bru Mission hnuaia thawktu Missionary te leh an kawppui te khaw hrang hrang atangin an lo kalkhawm a, Mission Department Headquarters-atangin Pu Lalthankunga Sailo leh Nl. Lalzuifeli ten an hmanpui bawk.

He Retreat-ah hian thawktu mi 50 chuang kalkhawmin, damlohna leh harsatna khirh tak avanga kal thei lo tih loh chu an kal tha hle a ni. Retreat programme hlawk thlak an tiin an kham lo hle.

Mission Co-ordinator ho hian January 29-30, 2021 khan vathuampui-ah Lawngtlai Area-a Bru Mission hnauaia thawktute pualin Retreat neih a lo ni tawh a,  Bru Mission thawktute mi 54 lai kalkhawmin, Retreat hlawk leh hlimawm tak an lo nei tawh a ni.


BCM Model (Hnahthial) Kohhran te Work Camp turin an kal.

BCM Model (Hnahthial) Kohhran te chu  Sipu kohhran, Arunachal Pradesh East Field ah Work Camp nei turin February 17, 2021 (Nilaini) khan hnahthial a tangin BCM Bus in an chhuak .

Work Camp nei tura kal te hi Mistiri pathum leh helper 6, an vaiin mi 9 an ni a, an ruahman ang chuan kolasib ah riak thlain, Kolasib atangin Guwahaty ah an riak leh ang a, a tuk February ni 20 ah Sipu, Arunachal East Field an thleng ang a.

February ni 22 atangin Biak In an sa nghal ang a, an ruahman ang chuan February thla chhung cham in, March thlatir-ah an lo let leh hman beisei a ni.

TAWNGTAIPUI ANG U

Pu F Lalhmuchhuaka , Evan Teacher , Jubilee English School, Patkijuli, Assam field chu a bp sang avangin a thluak thisen zam a chat a, chu chuan thluak ah internal bleeding siam a, tun ah hian Swasti Hospital, Rangia, Assam ah icu ah enkawl mek a ni a, ct scan etc tih zel a ni.

Nizan dar 8:30 vel khan a thluak hi zai niin tunah hian ICU-ah Ventilator nen enkawl mek a ni a. Doctorte chuan an zai hlawhtling-ah an in ngaih thu an sawi a, tawngtaipui a ngai hle. Kohhran hoten theihtawpin i tawngtaipui zel ang u.

Photos: Hmutea & Family