Mission rawngbawlna Chanchin thar:

#Adi Baptist Union, Golden Jubilee ropui takin an lawm:

Mizoram Baptist Kohhran  in Mission rawngbawlna-a kan thawhpui zinga pakhat Adi Baptist union-te chuan January ni 31 atanga February  ni 1, 2021 chhung khan Golden Jubilee ropui takin Adi Baptist Union Headquarters Pasighat, Arunachal Pradesh-ah lawmna an nei.

He Jubilee lawmna hmanpui hian BCM atangin Rev.V.Laldingliana President-Elect, BCM Adi Field Director lo ni tawh leh Adi hnam zinga missionary lo ni tawh Rev. F.Sangvela te an kal a, Guwahati atangin Regional Director Rev. K. Lalnunsanga leh Mission Field hrang hrang tangin Adi zinga Missionary lo ni tawh leh Missionary dangte pawh sawm an nih angin an tel bawk.

ABU hi kum 1971 feb ni 1 khan din a ni a. Hun harsa tak tak an paltlang a, tihduhdahna tinreng an tuar a, mahse Pathian ram chu tu ṭhiah theih mah ani lo.Kum 50 a lo tlin chuan kohhran 80 chuang anni ta..an mission pawh china ramri thlengin a darh chho ta.  Kum 1990 aṭangin BCM te kan thawk ṭan a, missionary tam tak an lo thawk tawh a, tunah hian Field Director hovin missionary 9 an awm mek ani.

He inkhawmpui ah hian palai hmingziak 1500 chuang an ni. Nishyi, Apatani aṭangin cultural troop te an tel bawk.

February ni 3 – 6, 2021 chhung khan Baptist Church of Mizoram leh Galo Baptist Union te thawhhona Kum 25-na (Silver Jubilee) lawmna, Mission Centre Tirbin Arunachal Pradesh-ah neih zui nghal a ni bawk.

#Bru Mission Workers’ Retreat.

January 29-30, 2021 khan vathuampui-ah Lawngtlai Area-a Bru Mission hnauaia thawktute pualin Retreat neih a ni a. Retreat ah hian Speaker-ah Mission coordinator Rev. R. Lalthangliana hmangin, Mission Department Headquarters-atangin Rbt. H. Lalneihkima leh Pu Lalthankunga Sailo ten an hmanpui bawk.  He Retreat-ah hian thawktu 54 zet kalkhawmin, damlohna leh harsatna khirh tak avanga kal thei lo tih loh chu an kal tha hle a ni. Retreat programme hlawk thlak an tiin an kham lo hle.

#MTKP-in Mission tanpuina an pe:

Mizoram Thalai Kristian Pawl (MTKP) te chuan Mission Field hrang hranga Biak In, Thawktu Quarters leh thil dang –a hman atan Rs 27000 leh Missionary damlo tanpuina atan cheng sing khat leh sang hnih (Rs 12000) Mission Department kutah an hlan. He thilpek hi MTKP Ramthim Ni thawhlawm an dawn atanga pek  niin, MTKP te hian Kumtin in hetiang rawngbawlna hi an nei thin a, Mission Department hotute an lawm hle a ni.

#BBC Executive Committee Meeting neih a ni:

January ni 27 & 28 chhung Khan Bru Baptist Church (BBC) te chuan Assembly Executive Committee Meeting, an headquarters Damparengpuiah  an nei a.

He Meeting ah hian kum 2021-2022 Plan leh Budget hrang hrang te thlir-in Assembly-a pharh turin an pawm a, Budget hi Nuai 29 a ni, kum hmasa aiin nuai hnihin a pung a ni. Bru Baptist Church hnuaiah  Education Board din rawtna  pawmin Assembly pawmpui turin thlen chhoh leh a ni ang.

2022 BBC Assembly na hmun tur chu Ngengpuikai a ni ang a, a hun atan February 24-26 ruat fel a ni bawk.