Mission rawngbawlna chanchin thar

AGS Mission leh Property Manager ten Ramchhung Mission rawngbawlna hmun thenkhat an tlawh. Kar hmasa Inrinni, November 21, 2020 khan Rev. Dr. C. Vanlaldika, AGS Mission leh  Er. Victor Lalrinawma Sailo, Property Manager te chu Ramchhung Mission-a kan rawngbawlna hmun – Belthei, New Vuakmual, Zawlpui leh Putlungasih te tlawhin langin an kal a.

Heng BCM Mission Station pathumah hian Biak In sak lai, School building leh Missionary quarters sak that tur te an enpui bakah Missionary te leh thawktute nen inkawmhona neiin infuihtharna leh tawngtaihona hun an hmang a ni.

Hun harsa leh khirh tak karah kohhran hruaituten an rawngbawlna hmun te tlawh a, an hma lak mek te a hmunah ngei an hmuhpui leh inkawmhona hun tha tak an buatsaih sak thei chu Missionary te leh Kohhran hruaitute an lawm hle a, hlim tak leh inpawh takin hun an hmang ho a ni.

Missionary Training mekte pualin Refresher Programme hman a ni.

November 26, (Ningani) khan Sap Upa leh Pu Buang Hall, BCM Office, Serkawn-ah kumina Missionary training nei mekte pualin ‘Inpekna’ tih thupuia hmangin Refresher programme buatsaih a ni.  He hun hi Rev. Dr. C. Vanlaldika, AGS – Mission-in a kaihruai a, Rev. R. Lalthangliana, Mission Coordinator hnen atangin ‘Missionary nun’ tih thupui hmanga fuihna thu leh Pu Lalruatkima, Administrative Officer hnen atangin ‘BCM Administration’ tih thupui hmanga zirtirna te ngaihthlak a ni a, Rev. F. Ramdinmawia, General Secretary hnen atangin fuihna thu ngaihthlak a ni bawk.

He programme-ah hian thupui – ‘Inpekna’ tih hmanga thuchah tawi Rev. R. Lalbiaklina, AGS – Service hnen atangin ngaihthlak a ni bawk.