Missionary thenkhat awm dan tur ruahman

Covid-19 avanga lockdown kalpui mek a nih avangin Missionary Posting & Transfer te an awmna tur hmun pan thei lovin an awm mek a. Hetih mek lai hian Mission Department chuan ruahmanna thar siamin Mizoram chhung-a thawk tur te chu sawrkar thuneitu te remtihna leh phalna in an awmna tur hmun pan turin ruahmanna siam a ni a. Ramchhung missionary tam zawk te chuan an awmna hmun thleng fel tawh in, thenkhat an awmna tur hmun pan turin an inbuatsaih mek bawk.

Hetih lai hian ram pawn atanga Mizorama Training leh post thar pan tur te leh Mizoram chhung atanga ram pawn pan tur te erawh chu an la che chhuak thei rih lova, Training zo ram pawn Missionary tur te chu Headquarters Office Serkawn leh Aizawl ah an thawhna hmun an pan theih hma awm rih turin hetiang hian ruahmanna siam a ni.

Dr. Rema Chhakchhuak – China rama kal tura tih chu BCM Heaquarters Office-ah a thawk rih ang.

Pu T. Lalnghaksanga –  Bengal Field, Sikkim –a awm tura tih chu a kal theih hma atan Aizawl-ah Tripuri Baptist Fellowship a enkawl rih ang.

Nl. R. Lalfeli – Bhutan-a kal tur chu, BCM Headquarters Office- Mission Department-ah awm rih ang.

FP Lalthathanga – Arunachal Far- East-a kal tur chu BCM Headquarters Office ah  AGS a pui ang.