Misson News

Adi Galo nu ho lo kal

#Adi Galo Nu hovin MBKHP rawn tlawh

Arunchal East Field, Galo Baptist Union Hmeichhe hruaitu mi pariat te chuan tunkar hian Mizoram Baptist Kohhran Hmeichhe Pawl (MBKHP) inrelbawl dan leh kalphung te zir chiang turin BCM Headquarters an rawn tlawh.

BCM Rahsiveng-in lo mikhualin an ei leh in bakah riahna te an lo pe a ni. October 30,2019 (Nilaini) khan BCM Headquarters Office bakah BCM hmun pawimawh hrang hrang te tlawhin hun an hmang a. October ni 31(Ningani) khan MBKHP hruaitute nen BCM Chanmari Hall-ah inkawmhona neiin BKHP kalphung leh inenkawl dan te an zir ho Adi nu ho hi Arunchal-a BCM Missionary  Evangelist Pu C. Pachhnga’n a rawn hruai a, November 2 (Inrinni) khan Lunglei chhuahsanin an haw leh ta.

 

#AGS Mission-in Mission Convention neihpui

AGS i/c Mission: Rev. Dr. C. Vanlaldika chu November 2-3 hian Serte-ah Mission Convention-ah Speaker turin a kal. AGS Mission hi Pu C.Lalengkima, BCM AV Staff –in tawiawmin, Mission Fucus a neihpui thung ang.

#Free Medical Camp buatsaih

Assam Field leh BCM Guwahati tangkawp  huan Kohhran leh khawtlang tan Free Medical Camp Dt 25 & 26 October, 2019 khan an buatsaih.

Medical Camp hi Assam Field-a Galajhora Saljhar hmunah neih a ni a, Missionary Pu Hrangchhuana te chhung rawngbawlma hmun a ni.

hrang hrang nei mi 186 lokalin, an zingah hian ringlotu mi 20 vel an lo tel nghe nghe.

atangin Regional Director Rev K.Lalnunsanga hovin mi 14 an kal a, Doctor pali, Nursing College Lecturer, Doctor zirlai, B.Sc Nursing leh Kohhran hruaite an kal.

Assam Field atangin Field Director Rev Zonunvula Ralte hovin missionary 7 an tel bawk. Damlo serious zual pakhat chu Guwahati-ah enkawl turin phurh haw a ni.

He rawngbawlna hi a hlawk hlein an hria a, kum dangah pawh tih chhunzawm zel chi niin an hria.

#Gospel Meeting leh thalai Inkhawmpui

October 29-November 1 chhung hian Bengal Field, Rabha Area-a Mount Olive School, Debitola ah Gospel Meeting an nei. Gospel Meeting hi hlawk tak leh hlawhtling taka neih niin school naupang te atangin ring thar engemawzat neih belh a ni. Tin, November 1-3 chhung hian Rabha Baptist Convention, Parbotjhora Pastor Bial Thalai Inkhawmpui,  Kalbandari Rabha Baptist Kohhran ah neih a ni bawk a, Speaker atan – RBC Executive Secretary leh Rev. Zonunvula Ralte, Assam Field Director te hman an ni .

#Centralisation Trainning

Baptist Church of Mizoram ten MoU kan ziakpui Dibang Lohit Baptist Churches Association (DLBCA) buatsaih Centralisation Training chu Pathian hruainain tluang takin October 19, 2019 khan Parbuk Church, Arunachal Far East ah neih a ni.

thawhpui DLBCA te hian Headquarter-a Tualchhung leh Bial inthlungkhawm a, Sum luankhawm leh hman chhuahdan te, inrelbawlna leh rawngbawl dante hi tha an ti hle a, BCM kaldan ang taka kal ve an duh avangin he Centralisation Training hi buatsaih an ni.

Mi 30 atanga 40 vel an beisei laiin mi 120 lai an kal. An mi pawimawh leh milian chin an kal kim hle. Hei hi Pathian hnathawh, a mite tawngtai chhân a nihzia a lang.

He Centralisation Training ah  hian Regional Director Rev K.Lalnunsanga leh Field Director Rev James Zorammawia te chu Resource Person an ni.

Regional Director hian BCM Missionary te thawhna hmun 3 a tlawh nghal a, inkhawm loh zan  ni mahse  inkhawm buatsaih sakin Pathian Thuchah a sawi ani.

 

#Mission Field-ah ringthar:

liam ta, October 27, 2019 khan BCM Mission thawhna hmun hrang hrangah ruingthar baptisma chang an nei a, Longpuighat (Chakma Mission)-ah 2, Thailand lamah Rev. R. Lalrinmawia te chhungkaw thawhna-ah ringthar 5 baptisma chan tir an ni bawk, Rev. R. Lalrinmawia te thawhna khuaah hian Fellowship an din atanga kum hnih dawn chu hma an sawn hleih theih loh hnuah ringthar an nei ve kleh ta chu an lawm hle.  Hemi ni vek hian  West Bengal Field, Sikkim Area-ah ringthar 5 baptisma chantirin, Arakan Field lamah pawh baptisma chang thar pathum an nei bawk.

Missiion Board Meeting nimin leh vawiin-a neih mekah AGS Report-in a tarlan danin January – September, 2019 chhungin BCM Mission Field hrang hrang-ah ringthar 2198-in baptisma an chang a, Kohhran thar 15 din a ni tawh bawk. Heng bakah hian October thla chhung khan field hrang hrangah ringthar 40 in baptisma chang an neih thu tarlangin, 2019 Assembly-in Field thar hawn a rel bawhzuiin Odhisa Field Survey neih zawh a nih thu leh report te pawh buatsaih fel a nih thu a tarlang bawk.

 

#Ramchhung Mission School Evaluation nei mek

Baptist Kohhran, Planning Commission 2020-in kum sawm lo awm tur atana BCM hmachhawp leh kalphung tur atana Department hrang hrang zirchianna a neih mek-ah Mission Department lam pawhin hma la chho mekin chumi atana tul hrang hrang a thawk mek a. Hemi bawhzuina atan hian kar hmasa, October 22-24 khan Rev. R. Lalthangliana, Mission Coordinator leh Rev. L.Vanlalsanga Education Director te chuan Ramchhung Mission School 13 te tlawhin zirchianna an nei.

He hunah hian BCM Primary School 9, (Samuksuri, Zohmun, Rolui, Belpei, Rotlang west, Phairuangkai, Kawrpuichhuah, Belthei leh Tuikawi); Comprehensive Middle School 3 (BMS Chawnpui, BMS Zawlpui, BMS Tuichawng) leh High School pakhat-Putlungasih High School te an tlawh a, hun remchang hmasa berah School dang tlawh leh turin ruahmanna an siam bawk. Heng an zirchianna report hi Planning Commission, Mission  Sector –ah thlenin Mission Sector chuan tul leh tha a tih angin ruahmanna siamin Planning Commission-ah an thlen leh dawn a ni.

 

 

Posted in BCM News.

admin

Leave a Reply