Mizoram Baptist Mipa Pawl Executive Committee Meeting neih a ni.

Tunkar Nilaini, January 12, 2022 khan Mizoram Baptist Mipa Pawl, Executive Committee Meeting, Sap Upa leh Pu Buanga Hall, Serkawn-ah neih a ni a. Meeting hi MBMP President Rbt Chawngrolura’n a kaihruai a. Rev. C. Chhuntluanga, Secretary, MBMP-in report tlangpui a pe bawk.

Secretary Report chuan Kum 2022 BMP Thuzir atan “Kristian Chhungkaw din” tih chu Printing Press-ah pek luh fel a nih tawh thu leh January thla-ah chuan peih fel hman beisei a nih thu leh Fellowship Department Inkaihhruaina pawh buaipui chhoh mek niin, proof reading pawh zawh a nih tawh thu a tarlang a. MBMP Rorel hun atan Bial hrang hrang report pawh dawn mek a nih thu a tarlang.

Tun tum Meeting-ah hian February 4, 2022-a Mizoram BMP Rorel Chanmari, Lunglei-a neih tur atana inbuatsaihna leh Agenda te thlirlawkna an nei a ni.