Mizoram Baptist Mipa Pawl Hruaitu te lakluh leh hlanna neih a ni.

Tunkar Thawhlehni, September 7, 2021 chawhnu dar 2:00 khan Mizoram Baptist Mipa Pawl (MBMP) hruaitu (Office Bearers) thar te chu Sap Upa leh Pu Buanga Hall, Serkawn-ah lakluhna leh Pathian hnena hlanna neih a ni a.

He hun hi Fellowship Department Director, Rev. F. Ramdinmawia, General Secretary ni bawkin a kaihruai a. Mizoram BMP din a lo nih dan leh hruaitu ruat a nih dan te sawifiahin, MBMP Office Bearers hmasa ber te hmelhriattirna a neih hnu-ah Lakluhna a nei nghal a. Rev. R. Lalbiakliana, Associate General Secretary – Service-in Pathian hnenah hruaitu tharte hlanin tawngtaisakna a nei a. Rev. Dr. C. Vanlaldika, AGS Mission-in fuihna thuchah tawi a sawi bawk.

Kan tarlan tawh ang khan, August 24, 2021 a Fellowship Department Committee Meeting chuan Mizoram BMP hruaitu tu (Office Bearers) hmasa ber tur, 2021-2023 chhung atan a thlang a. Office Bearer thlan thar te hian 2023 MBMP Rorel leh Inkhawmpui thleng hruaitu nihna hi an chelh dawn a ni. MBMP Officce Bearers thar te chu hengte hi an ni:

President : Chawngrolura Chawngthu, Venghlun Unit, Rahsiveng Pastor Bial
Vice President : R. Liankunga, Electric Unit, Electric Pastor Bial, Lunglei
Secretary : Rev. C. Chhuntluanga, Director, Pastoral Ministry Dept. BCM (Administrative Committee-in a  ruat)
Asst. Secretary : C. Lalawmpuia, Bazar Unit, Bazar Pastor Bial, Lunglei
Treasurer : Lalnunsanga Pachuau, Chanmari Unit, Chanmari Pastor Bial, Lunglei
Fin.Secretary : Vanlalpeka, Serkawn Unit,  Serkawn Pastor Bial, Lunglei
Senior Adviser : Upa RL Thianghlima, Zotlang North, Zotlang Pastor Bial, Lunglei