Mizoram Baptist Mipa Pawl (MBMP) Rorel Vawikhatna Neih a ni

February 4, 2022 (Zirtawpni) khan Mizoram Baptist Mipa Pawl Rorel Vawi 1-na chu BCM Biak In, Chanmari Lunglei ah neih a ni a. Rorel hi MBMP President Rbt. Chawngrolura’n a kaihruai a, rorel palai hi an vaiin mi 346 an ni. Rorel ah hian Budget ruahmanna bakah Executive Committee atanga agenda 2 leh Bial hrang hrang atanga agenda 17 te ngaihtuah a ni a, thurel (passed) te hetiang hi a ni e:

1) Jampui Sakhan Baptist Mipa Pawl nen in palai tawn.
2) BMP Member te zuk leh hmuam thatlohzia inzirtir.
3) MBMP Inkhawmpui ah sum fai a Mizoram sawrkar pur lo a, a theih chin chin a intodelh.
4) Rain & Water Management kawnga hmalak.
5) Baptist Covid Care Centre (BCC) tanpui.
6) MBMP hruaitu ten Pastor bial hrang hrang a BMP dinchhan campaign neih.
7) Chhawmdawlna in puala (tanpuina) sum dah.
8) Rampum huapa ram tana a ruala tawngtaina neih.

2022-2023 MBMP budget atan cheng nuai 12 (12,00,000.00) pawm a ni bawk.