Mizoram BMP Executive Committee Meeting hmasa ber neih a ni.

Mizoram Baptist Kohhran Mipa Pawl (MBMP) Executive Committee Meeting hmasa ber chu Sptember 21, 2021 (Thawhlehni) khan Sap Upa leh Pu Buanga Hall, Serkawn-ah neih a ni..

Meeting hi Mizoram BMP President Pu Chawngrolura’n a kaihruai a. Secretary Rev. C. Chhuntluanga’n report tlangpui a pe, General Secretary, Rev. F. Ramdinmawia, Director Fellowship Department in thil tul leh pawimawh te sawiin, MBMP Executive Committee member te lawmna leh fuihna tawi a sawi bawk.

MBMP Executive Committee hmasa ber-ah hian Senior Adviser atan Upa Dr. Joseph Lalrindika Chawngthu, Chanmari, Lunglei chu thlan a ni a. Fellowship Department Committee member atan Assistant Secretary Pu C. Lalawmpuia chu thlan a ni bawk.

An thurel zingah MBMP Inkhawmpui hun atan BMP member tinin Inkhawmpui tanpuina cheng 50/- theuh, kum 2022 chhungin thawh ni se tih te, 5th.Planning Commission-in Lawngtlai leh Aizawl Area-ah te ‘BMP Area Coordination Committee’ din a phal angin din tura hmalak ni se tih te, MBMP Rorel 2022 hun atan February chawlhkar hmasa ber ni se, a ni (date) tak chu OB ten lo ngaihtuah se an ti bawk.