Mizoram BMP Executive Committee Meeting neih a ni:

Tunkar Thawhlehni, May 3, 2022 chawhma dar 11:00 khan Mizoram Baptist Mipa Pawl (MBMP) Executive Committee Meeting BCM Hall, Serkawn-ah neih a ni a. Meeting hi Rbt Chawngrolura, President-in a kaihruai in, MBMP Secretary Rev. H. Lalfakzuala hnen atangin ngaihthlak a ni , Meeting ah hian member 26 an kal.

Secretary report chuan April 12, 2022-ah MBMP Secretary hlui leh thar te Charge inhlanna neih a nih thu tarlangin, Pastor Bial 83-ah Bial BMP a din tawh thu leh, BMP Unit 336 an awm mek thu te tarlangin member hi 16,197 an awm mek thu a tarlang bawk. Kum 2023-ah BMP Inkhawmpui Hmasa ber, Hnahthiala neih tur atan inbuatsaihna hrang hrang kalpui mek a nih thu sawiin, ‘Inkhawmpui Programme Committee’ din a nih tawh thu leh hma lak chhoh mek a nih thu te, Jampui Sakhan Baptist Mipa Pawl (JS-BMP) nen inpalai tawn tura hma lak a nih thu te a tarlang bawk.

Meeting thu rel langsar zingah BMP din chhan Campaign hawnna, Aizawl leh Lawngtlai Area-ah te neih ni se, a hun tur leh tul apiang OB ten lo bawhzui se tih a ni a, BMP Day 2022 thawhlawm Kristian Hospital Poor Patient Fund atan pek ni se an ti bawk. Kum 2023 atana BMP Thuzir tur lo buaipui turin MBMP Secretary chu ruat a ni a, MBMP Inkhawmpui Programme Committee-in MBMP Inkhawmpui 2023 atan programme a duan chu thlirho a ni bawk.