MKBHP-in BCM Vengpui, Zawlnuam Biak kang tanpui na cheng nuai khat an pe.

Mizoram Baptist Kohhran Hmeichhe Pawl (MBKHP) Executive Committee Meeting-in “Zawlnuam Vengpui Kohhran Biak In kang tanpui nan cheng nuai khat pek ni se”, ti-a an thu rel  chu bawhzuiin,  April 7, 2021 (Nilaini) khan MBKHP aiawha tanpuina pe turin Pi Ngurmawii Sailo, Executive Committee member chu Zawlnuam-ah kalin tanpuina hi Zawlnuam Kohhrante hnenah an zu hlan a ni.  BKHP hrauitute hi  Aizawl lama BKHP Member Pi Hauhnuni leh Pi Baby Julie ten an tawiawm.

MBKHP for BCM Vengpui, Zawlnuam

MBKHP Executive Committee Meeting hi March 31, 2021 khan Chanmari Kohhran Committee Hall, Lunglei-ah neih a ni a. MBKHP President Pi Pc. Lalvohbiki’n meeting  a kaihruai a. MBKHP Secretary, Lalhmingmawii Chongthu-in report tlangpui a pe bawk.

MBKHP Secretary chuan, India Baptist Women Union (IBWU) huaihawt Presidents’ Summit October 2021 thla tawp lama neih turah MBKHP aiawhin Lalhmingmawii Chongthu, Secretary MBKHP chu kal tura ruat a nih thu leh North East India Christian Council-Women Assembly (NEICC-WA) 14th Biennial Assembly May 28-30, 2021 a neih tura ruahmanna siam tawh chu hrileng avangin nakum (2022) ah sawn a nih thu te, NEICCWA Executive Committee in a hun tur chu a la rel leh dawn thu leh he Assembly hi MBKHP in BCM Biak in, Venglai ah an thlen tur a nih thu a tarlang bawk.

An thu ngaihtuah langsar zingah  BCM Vengpui Biak in kang chu MBKHP chuan Rs.100000/- (nuaikhat) in tanpui ve ni se an ti a,  Kum tina an tih thin angin kumin ah hian NEICCWA Tawngtai Ni chu April 26 (BKHP inkhawm zan) ah hman ni se,  BKHP inkhawm zan la hmang thei lo Unit- te chuan anmahni remchan angin he tawngtai ni hi hman ni se an ti a, tawngtai thupui NEICCWA atanga buatsaih chu BKHP Bial tinah thawnchhuah ni se an ti bawk. heng bakah hian Kum 2022 MBKHP Rorelna hmun atan BCM Biak in Venghlun, Lunglei chu thlang felin,  BKHP Venghlun Unit-in Rorel hi a dawl dawn a ni.

MBKHP for BCM Vengpui, Zawlnuam

(Ps: MBKHP/MTKP Organiser tih thin kha Planning Commission 2020 ruahmanna BCM Assembly 2021-in a pawm tak avangin, Orgnaiser ni tawh lovin ‘Secretary’ tih an ni tawh dawn a ni)