MTKP 2019-ah LED Wall (TFT Display) hmang dawn

MTKP Inkhâwmpui 2019 inbuatsaihna a kal chho zêl a. He Inkhâwmpuiah hian pulpit hnungah LED Wall (TFT Screen) square feet 200-a hlai dah a ni dâwn a, rawngbâwlna chanvo neituten hman theih a ni ang. 

Video clip erawh mahni inbuaipuiin Programme Coordinator-te nên Inkhâwmpui tan hmaa ruahmanna lo siam fel vek tûr a ni. Programme Coordinator-te chu: Pu V. Rokhâwlkima, Assistant Secretary, MTKP (Leader, Ph. 9862838504); Tv. F. Lalremruatpuia, ECM, MTKP (Ph. 9612608892) leh Pu Tlantununga Chawngthu, ECM, MTKP (Ph. 9436387298) te an ni.

MTKP 2019 Pandal Design

MTKP Inkhawmpui 2019 hi February 14-17 chhungin neih a ni dawn a. Tunah hian Inbuatsaihna hrang hrang chu kalpuii Organising Committee hnuaiah Committee peng sawm chuang zet awmin hma an la a. Souvenir Department lamin T.Shirt an order fel tawh a, reilote-ah hralh chhuah theih an beisei. Tin, Pandal Committee lam pawhin Paldal skna tur hmunhma te teh felin, hma an la tan a, chutih laiin June thla khawchhia avangin Tuiin a chim pil vek avangin engtia hma lak zel tur nge tih an ngaichang mek bawk. Pandal hi Tlabung Licheng Field-ah sak tum a ni.

Rorelna hmun tur, Tlabumg Bik In

Heng bakah hian Tawngtaina In tur pawh sak chhoh mek a ni a, He tawngtaina In hi Missionary Kai-ah RCC Building-a sak a ni a, Missionary hmsa te hriatrengna ni nghal tura ruahman a ni.

Posted in BCM News.