MTKP -2019 Promotional Concert buatsaih dawn

Promotional Concert: November ni 23, 2018 zan dar 7:00 hian MTKP Inkhawmpui 2019, Tlabung inbuatsaihna kal zelah khawtlang mipui te infuihphurna leh inlungrualna tha siamnan Thangliana Mual-ah promotional Concert buatsaih a ni dawn.

 

He concert ah hian C.R. Laldingliani, Michael VL Rema Renthlei, R. Lalramchhana, Lalhlumawii leh Gospel River Band te sawm an ni a, an ni bakah hian Lalchhanhimi Palian leh Mary C. Lalfakawmi te an zai dawn bawk. Tualchhung atangin live band – Bial T.K.P O.B feat. C. Lalnundinga, TKP Zodin Unit, TKP Immanuel Unit leh TKP Tlabung Unit te en tur leh ngaihthlak tur a awm dawn bawk a ni. Programme hi Dar 7:00 ah chiah tan tum a ni a, Rev. Lalmuanzuala Sailo, Bialtu Pastor in hunserh hmangin BCM Tlabung Pastor Bial Zaipawl te an zai ang.

Missionary chah chhuah tum:

MTKP Inkhawmpui 2019-ah hian Mission Field hrang hrang atangin Missionary engemawzat chah chhuah turm a ni a. hemi atan hian MTKP Organiser chuan Mission Department lamah thlen tawhin Field Director te pawh hrtiattir an ni tawh a. Mission Field tin atangin Missionary pahnih theuh tel turin an sawm a ni. Heng Missionary te kal man hi MTKP-in a tum sak ang.

Pandal hmun thian fai:

Mizoram Thalai Kristian Pawl (MTKP) Inkhawmpui 2019, February 14-17 chhunga Tlabuang-a neih tur atan inbuatsaihna a kal chho zel a. A dawltu Tlabung pastor Bial TKP te pawh kawng hrang hrangin inbuatsaihna an nei ngawrh chho hle. Kumin Fur tuilianin Pandal sakna tur hmun Licheng Field chu Chirh leh bawlhhlawh a chhekkhawm nasat avangin hma lak hleih theih lovin hun rei tak nghah a ni a. November thla tir atang  khan ABCI Company-in field thenfai hna hi an thawk a. An ni bakah hian Pu Lalramchhana Fanai, Finance Secretary, TKP City Church, Aizawl chuan JCB/ Excavator a thawh a bawk a ni. Tunah hian thenfai hna thawk zo thawkhatin, November 15 atang hian Pandal structure hi khawih tan tum a ni a, Pandal hi 260ftsX170fts a zaua sak tur a ni.

 

Ushers’ Training:

November ni 8-9, 2018 khan MTKP Inkhawmpui, 2019 atana inbuatsaihna kal zelah Usher’s Training neih a ni  a, MTKP Inkhawmpui huna Usher tur atan hian Tlabung khawhhchung kohhran hrang hrang atangin thalai mi 150 chuang ruat an ni a, he training ah hian Usher tura ruat te an kal tha hle. Training hi Tv. Vanlalruata, Assistant Secretary, TKP Aizawl East Pastor Bial-in a neihpui a ni. Tun tum bakah hian vawi khat dang Training hi neih leh tura ruahman a ni.

Download: MTKP Inkhawmpui Progamme