MTKP 2019 pual Chawnghei tawngtai

May 20, 2018 (Pathian ni) tlai dâr 3:30 khân Mizoram Thalai Kristian Pawl (MTKP) Inkhawmpui 2019, Tlabung-a pandal sak tumna hmun Licheng Field-ah Spiritual Concerned Committee huaihawtin kohhran pâwl bîk awm lova Inkhâwmpui pual Chawnghei tawngtai neih a ni a.

He hunah hian mi 330 vêl kal khâwmin Upa Vanlalliana Palian, Chairman, Spiritual Concerned Committee-in a kaihruai a, Bialtu Pastor Rev. Lalmuanzuala Sailo hnên atangin Pathian thuchah tawi ngaihthlâk a ni.

He tawngtai hunah hian khawtlâng mipuite Pathian hmaah inbunruakin bawkkhupin Lalpa an au a, MTKP Inkhâwmpui 2019, Tlabungah hian Pathian Thlarau Thianghlim hnathawh a lo lan a, harhna a lo thlen ngei theihna tûrin nasa takin Pathian an au a, tlai lam dâr 5-ah an tîn a ni.

Mizoram Thalai Kristian Pawl (MTKP) Inkhawmpui hi February 14-17, 2019 khian Tlabung-ah neih a ni dawn a. A dawltu tur Tlabung Pastor Bial TKP te pawh nasa takin an inbuatsaih chho mek a ni.

Posted in BCM News.

admin