MTKP buatsaih Career Guidance & Entrepreneurship Awareness

Mizoram Thalai Kristian Pawl Inkhawmpui Rorel 2019-in a passed – MTKP-in Career Guidance’ awareness chhunzawm leh ni se ti-a a rel angin Kar hmasa inrinni, November 9, 2019 nileng khan Jubilee Hall, BCM Chanmari Lungleiah MTKP buatsaihin Career Guidance – Entrepreneurship Awareness neih a ni a, Resource Person V. Rokhawlkima, Vice President leh Ramdinmawia, Prop. VB Agri Sollution, Haulawng ten Entrepreneurship chungchang zirtirna hun an hmang.

Chawhma lamah MTKP Executive Committee member, J. Lalrintluangi’n a kaihruai a, President MTKP Rev. Vanlalmuankima’n kalkhawmte lawmna leh chibaibukna sawiin, Resource Person Pu V. Rokhawlkima, Vice President chuan, “Entrepreneurship/Self Employment Development” tih thupui hmangin zirtirna a pe.

Chawhnu session hi, Pu C. Vanlaldintharpuia, MTKP executive Committee member-in kaihruaiin, VB Agri Sollution neitu,  Ramdinmawia Haulawng chu resource Person atan hman a ni a, ‘Entrepreneurship zirhona’ tih thupui hmangin presentation a nei, Thalai ten hlawhtlin tumna rilru kan put a mawimawh thu leh, chu chu a taka chantir tura hmalak a pawimawh thu a sawi bawk.

MTKP buatsaih Career Guidance – Entrepreneurship Awareness neihah hian Lunglei Town Area chhunga Unit TKP hrang hrang aiawh mi 3 zel thlante an tel a, an zavaiin mi 120 vel telin, kal khawm ten hlawk an ti hle. Career Guidance – Entrepreneurship Awareness hi MTKP buatsaih vekin November 30, 2019 khian Hnahthial Town Area TKP te pualin nei leh tura ruahman a ni bawk.

Posted in BCM News.

admin