MTKP Executive Committee Meeting neih a ni.

Tunkar Thawhlehni, May 3, 2022 chawhma dar 11:00 khan MTKP Executive Committee Meeting Sap Upa leh Pu Buanga Hall, Serkawnah neih a ni a. Meeting hi Upa R. Lalrochama, President-in kaihruai in, MTKP Secretary Rev. F. Zorinkhuma’n Report tlangpui a pe bawk. Meeting ah hian member 32 an kal.Meeting thurel kan han tarlang ang e:

    • MTKP In kum 2022-2023 chhung atan Tuihna humhalh leh Tui renchem inzirtirna leh Fa neih tam inzirtirna neih ni se tiin an thlang fel a. Hemi Inzirtirna tur kawng hnih-ah te hian Sub Committee hran ve ve siamin, member tur pawh an ruat fel nghal a, Tuihna humhalh leh Tui renchem inzirtirna Sub.Committee Convener atan Pu K. Lalawmpuia Secretary ah Pu Pc Lalbiakdika leh Member atan Pu Jeffrey Lalremruata, Rbt F. Lalrinzuala leh Nl. Grace Lalrindiki te ruat an ni. Fa neih tam Inzirtirna Sub.Committee Convener-ah Pu F. Lalremruatpuia, Secretary atan Rbt. LH Lalhmangaiha leh member atan Tv. Lalhlimpuia Pachuau, Pu C. Lalthakunga leh Nl. B. Lalsiamthari te ruat an ni bawk.

    • Thalai Entu Editorial Board 2022-2025 thlan thar a ni a, Editor-ah Rbt LH Lalhmangaiha, Joint Editor atan Pu Pc Lalbiakdika leh Tv. Lalhlimpuia Pachuau leh Circulation manager atan Rev. F. Zorinkhuma, Secretary, MTKP chu a nihna-in a ken sa-a nih angin ruat nghal a ni.

    • MTKP Rorelna in a pass tawh Mizorama Myanmar raltlante puala fehchhuah neih chu August 2022 ral hma in MTKP Finance Secretary hnenah Bial TKP kaltlangin Unit tin ten Fehchuahhna-a kan hmuh te thehluh ni se tih a ni.

    • MTKP Android Application enkawltur mi pathum ruat thar an ni a: Tv. H. Lalruatkima, Tv.K.Lalremkima leh Pu Lalrammuana Sailo te ruat an ni.

    • MTKP aiawh Fellowship Department Committee member atan Pu F. lalremruatpuia, Vice President, MTKP chu ruat a ni.

    • MTKP Rorel 2023 Tuipui ‘D’ a neih hun atan February 17, 2023 Zirtawpni ruat fel a ni bawk.

    • MTKP-in Blood Donation Programme a kalpui lai chu kum 2022-2023 atan ruahmanna siam leh a ni a, Blood Donation Programme hi Headquarters Area, Aizawl Area leh Lawngtlai Area ah te kalpui leh ni se tih a ni.