MTKP Executive Committee Meeting neih a ni:

Lunglei: 25th January 2020:
January 24,2020 chawhma dar 11:00am khan MTKP Executive Committee Meeting chu Sap Upa leh Pu Buanga Hall, Serkawnah neih a ni. Meeting hi Rev. Vanlalmuankima, President-in a kaihrua.

He meeting-ah hian MTKP aiawha palaina hrang hrang leh rawngbawl tura sawmna an dawn chungchangte ngaihtuah a ni a, MTKP rorel 2020 Agenda tur te an thlir ho bawk.

MTKP Rorel 2021 dawl diltu hrang hrang atangin Secret ballot hmangin, BCM Electric Veng, Aizawl East Pastor Biala nghah turin thlan a ni. Hei bakah hian MTKP Rorelnain, ‘Ruihhlo ngaite chhanchhuahna kawnga hmalak nise’ tih thu bawhzuina Video Clip buatsaih chu meeting-ah hian Upa PC Vanlalrova, MTKP Senior Adviser-in a tlangzarh bawk.

Palaina leh Rawngbawltura sawmna hrang hrang ngaihtuah a ni a, TKP Serchhip Pastor Bial Crusade, TKP Electric Pastor Bial Inkhawmpui, TKP Electric Veng Unit Golden Jubilee, TKP Thenzawl Pastor Bial Meet, TKP Thingfal Pastor Bial Meet te hmanpui nise tih te an rel fel a ni.