MTKP -in Mizo tawng humhalh leh tih hmasawn chungchang tih hlawhtlin dan tur ruahman.

July 8, 2020 (NIlaini) chawhma dar 11:00 khan Sap Upa leh Pu Buanga Hall, Serkawn-ah Mizoram Thalai Kristian Pawl (MTKP) Executive Committee Meeting neih a nia a, He Meetingah hian Mizo tawng humhalh leh tih hmasawn chungchang tih hlawhtlin dan tur leh Gender Identity inzirtirna neih dan tur an rel.

Hri leng avangin duh hunah Meeting neih theih a nih loh avangin tun tum an meeting hi Rorel hnu-a meeting hmasa ber a ni a.  He meeting-ah pawh hian kum 2020 MTKP Rorel bawhzui dan tur te an ngaihtuah a ni.

MTKP Rorel 2020-in a la lo tihtluk tawh Mizo tawng humhalh leh tih hmasawn chungchang tih hlawhtlin dan tur leh hma lȃk dan tur kawng hrang hrang lo ngaihtuah turin Sub-Committee din a ni a, Sub-Committee hian July 2020 chhungin ruahmanna lo siam se, Executive Committee-ah thlirho leh ni se tih a ni. Hengte hi Sub-Committee member atan thlan chhuahte an ni:

Convener : Rbt. V. Rokhawlkima, Vice President

Members:

Nl Zothantluangi Khiangte, Finance Secretary

Pu T. Lalbiakhluta

Pu PC Lalbiakdika

Gender Identity chungchang inzirtirna neih chungchang MTKP Rorel 2020-a kan lo rel tawh angin Pathianin min siam dan dik tak, mipa leh hmeichhia nihna chungchang inzirtirna neih thu hma lak dan tur kawng hrang hranga sawihoin, hemi lama hma lo la turin Sub-Committee din nghalin, Sub-Committee hian July 2020 chhungin ruahmanna lo siam se, Executive Committee-ah thlirho leh ni se tih a ni. Heng te hi Sub-Committee member atan thlan chhuah an ni bawk:

               Convener         – Rev. Vanlalmuankima, President

               Members         – Rev. K. Lalbiakenga, Organiser

  Pu K. Lalawmpuia, Asst. Secretary

  Rbt. Lalnuntluanga, Treasurer

  Rbt. C. Biakchungnunga

  Rbt. F. Lalrinzuala

TKP Day 2020 hman dan tur chungchangah  Covid-19 hrileng avanga Sorkar thuchhuak angin July ni 30, 2020 |KP Day chu inkhawm theih a ni dawn lova, hemi avang hian MTKP atangin Zonet leh LPS-ah te TKP Day-a programme hi tihchhuah tura hma lak ni se, M|KP Youtube channel-ah pawh upload ni bawk se an ti a

NCCI Youth Leaders meeting chuan Christian Medical Association of India nena tangkawpin, rilru hriselna lama harsatna neite (abikin COVID-19 hrilen lai a) tanpui thei tura online training a buatsaih dawn a, MTKP atangin mi pahnih tel ve tura sawmna chu tihhlawhtlin tum ni se la, MTKP Organiser-in a tel tur te lo ngaihtuah se an ti bawk.