MTKP Inkhawmpui vawi 47-na tiak ta

 

Mizoram Thalai Kristian pawl Inkhâwmpui vawi 47-na Tlabung-a neih chu February 17, 2019 Pathianni zan dar 11:00 khan kham lo takin an tiak ta. Report hnuhnung ber-in a tarlan danin Inkhawmpui palai (Mikhual) 8652 an awm a, MTKP Rorel-ah palai 497 kalin Bial hrang hrang atanga Agenda 23 lut zingah 5 passed a ni. Inkhawmpui chhunga thawhlawm tlingkhawm hi Rs. 448,943/- a ni bawk. 

Organiser report-in a tarlan danin tunah hian Pastor bial 85-ah TKP Unit 420 an awn a, TKP member 43,353 awmin, Mipa 27,210 leh Hmeichhia 16,143 an ni. Kumin 2018-2019 chhunga TKP member ropuina rama kal te pualin sunna hun hman a ni a, TKP Member 125 (mipa 111 leh Hmeichhia 14) ten Chatuan ram an pan a ni.

MTKP Rorel 2019 chuan kum 2019-2022 chhung atana MTKP hruaitu atan hengte hi an thlang thar:-

L-R – Upa Dr. Lalchhanhima Fanchun(Sr.Advs), Nl. Zothantluangi Khiangte, Pu Lalnuntluanga, Pu K.Lalawmpuia, Rev. K. Lalbiakenga, Pu V. Rokhawlkima, Rev. C. Vanlalmuanakima (Not in photo: Upa Pc Vanlalrova, Sr.Advs)

Vice President : Pu V. Rokhawlkima, Zion, Lunglei
Asst.Secretary : Pu K.Lalawmpuia, Chanmari, Lunglei
Treasurer : Pu Lalnuntluanga, Salem, Lunglei
Fin.Secretar : Nl. Zothantluangi Khiangte, Zotlang North.
Senior Adviser(1) – Upa Pc Vanlalrova, Electric, Lunglei

Tihian FOD-in President atana a ruat Rev. C. Vanlalmuanakima (Bazar Bial), Senior Adviser pakhat atan Upa Dr. Lalchhanhima Fanchun bakah Pastoral Committee ruat – Organiser atan Rev. K. Lalbiakenga te nen MTKP hruaitu thar te hi Pathianni zan Inkhawm-ah Pathian hnena hlanna BCM President Rev. Lalbiaksanga Chinzah-in a nei a, chibaibukin a lawmlut nghak a ni.

 

MTKP Rorekl thu passed te hengte hi a ni:-

1. MTKP Inkhawmpui  palaite tan registration fee  lak ni tawh rawh se.

2. Internet atanga chhiar theih turin  TKP memberte leh BCM memberte thuziak tam lehzual a awm theih nan MTKP-in hma la rawh se.

3.Hatim Men’s Residence building sak nan TKP unit tinah  feh chhuah vawi khat theuh neih ni se.

4. Ruihhlo ngaite chhanchhuah kawngah MTKP anga hma lak ni se.

5.  MTKP hmalak mekna, ‘Career Guidance’ awareness chhunzawm leh ni se.

Kumin MTKP Inkhawmpuiah hian BCM-in rawngbawlnaa a thawhpui Association/Union ram chhung leh pawn atangin an lo tel tha hle a, hriat theih chinah hengte hian palai(delegates) an rawn intir a ni:

1. Asia-Pacific Baptist Youth Fellowship(APBYF)
2. Baptist Youth Fellowship of India(BYFI)
3. North East India Christian Council Youth Assembly (NEICCYA)-Shillong
4. Nagaland Baptist Church Council(NBCC) – Nagaland
5. Central KTP, (Aizawl)
6. Lairam Isua Krista Baptist Kohhran Thalai (LIKBK-KTP) – Lawngtlai
7. Evangelical Church of Maraland (ECM-KTP)
8. Jampui Sakhan Baptist Thalai Kristian Pawl (JS-TKP) (Tripura)
9. Kuki Baptist Convention -Youth Department.(Manipur)
10. Chakma Baptist Church Council Youth Dept. (CBC)
11. Bru Baptist Church Youth Dept.

Tin, Heng bakah hian United Kingdom atang te, Bangladesh leh Mire ram atang tein Inkhawmpui chhimtu an nei. BCM Mission field hrang hrang atangin Missionary 2 theuh inkhawmpui chhimin an rawn kal bawk. Kohhran pawl dang atangin LIKBK leh ECM ten zaipawl an rawn tir thei nghe nghe a ni.

MTKP Inkhawmpui  hi kum 2022-ah Pangzawl-ah nghah a ni leh dawn a ni.

Posted in BCM News.

admin