MTKP Rorel na-in, Mizotawng hum halh leh Gender Identity chungchang inzirtir an rel.

MTKP Rorel 2020@Serchhip

Mizoram Thalai Kristian Pawl (MTKP) Rorel Inkhawm vawi 66-na, February 13, 2020-a Mizoram Baptist Kohhran Biak In, Serchhip-a neih chu tluang takin an zo ta. Rorel Inkhawm hi dar 10:00 Am –ah tanin, Rev. Vanlalmuankima, MTKP President-in Rorel hi a kaihruai a, MTKP Organiser, Rev. K. Lalbiakenga’n Report a pe bawk. He Rorel Inkhawm-ah hian Rorel palai 467 an kal a, he Rorel Inkhawm hi Rev.F.Ramdinmawia, FOD Director-in a telpui a ni. An thurel langsar zingah – “Mizotawng humhalh leh tihhmasawn a nih theih nan MTKP-in hma lak ni setih leh “Pathianin min siam chhan dik tak, MIPA leh HMEICHHIA nihna (Gender Identity) chungchang in zirtirna MTKP huapin neih nisetih te an rel a ni.

Kum 2020 MTKP thu passed tlangpui hengte hi an ni:
1. Mizoram chhung leh pawna Baptist Thalai pawl dangte nena rawngbawlna leh thawhhona kawng zawn thu.

2. Kum 2020 chuhngin MTKP Inkhawmpui 2022 dawltu tanpui nan Unit tin vawikhat fehchhuah neih

3. Mizo tawng humhalh leh tih hmasawn a nih theihnan MTKP in hma la rawh se

4. Pathianin min siam chhan dik tak, MIPA leh HMEICHHIA nihna (Gender Identity) chungchang in zirtirna MTKP huapin neih nise.

5. Baptist Church Orphanage (BCO) tanpuina atan Inkhawm vawikhat thawhlawm pek nise tih te an rel ani

6.Saisawm Sazai Baptist Ṭhalai Kristian Pawl (SSBṬKP) te nena inpalai tawn remtih a ni.

MTKP Organiser report-in a tarlan danin –TKP te hi Pastor Bial 85 -ah TKP Unit 427 an awm a. TKP member Hmeichhia – 18,050/- leh Mipa 28,944/- an vaiin 46,994/- an awm mek a,kum kalta aia member punna chu 3641 niin TKP Unit 8 an ding thar bawk. Hetihlai hian kum2019 chhungin member boral mipa 114 leh hmeichhia 30 an vaiin 144- an awm thu a tarlang bawk.

Organiser report-in a tarlan  langsar dang zingah kum 2019 chhung khân  TKP ten Aizâwl-ah thisen Unit 2104 pe in,  Kohhran beh chhan pawl zînga athlâwna thisen pe tam ber lawmman pakhatna  an la a, Lungleiah pawh TKP te chuan thisen Unit 1048 pein lawmman pakhatna an lak thu a tarlang bawk. Heng bakah hian MTKP anga fehchhuahna hrang hrang tarlang in; Mizoram pawn-ah Asia-Pacific Baptist Youth Conference-Philipines-ah te, Baptist Youth Fellowship of India Conference- Khumulung, Tripura ah te, NEICC-YA Biennial Conference, Meghalaya-ah te MTKP aiawh palai leh Zaipawl tirh an nih thu a tarlang bawk,

Kum 2022 MTKP Inkhawmpui Pangzawl-a nghah tura ruahmanna kal mek chu National    Highway 54 laih zau tur-in In leh lo eng emaw zât a tihchhiat dawn avânga harsatna thleng thei a nih avangin MTKP Inkhawmpui 2020 chu Lunglawn Bial, Lunglawnah nghah tura tih fel a nih thu report a ni bawk.

Posted in BCM News.

admin