MTKP thu thar

Lunglei Town Bial TKP OB Meet

Lunglei Town Area Bial TKP OB Meet:

Mizoram Thalai Kristian Pâwl (MTKP) chuan July 6, 2017 (Ningâni) hian Lunglei khawpui chhûnga Pastor Bial 11-a TKP Puipa (OB)-te inpâwlhona, Sap Upa leh Pu Buanga Hall, Serkawn-ah a buatsaih a. He hunah hian kal tura beisei te an kal tha hle.

Chawhma lamah Rev J.C. Vânlalluaia, President-in ‘Mizoram Baptist Kohhran member humhalh leh than zêlna’ (Church Expansion) chungchâng zirtîrin chawhnu lamah Rev Lianchhunga Khiangte, Organiser-in ‘TKP te thawhhona leh hmakhua’ (Coordination & Prospects) chungchâng a sawi thung. Programme karlakah Pathian fakna hla sakho leh Solo te ngaihthlak a ni bawk.

NEICC Youth Assembly Executive-ah MTKP Vice President

July 6-7,2017 hian North East India Christian Council,Youth Assembly(NEICCYA) Execuitve Committee leh Working Committee neih mekah MTKP Vice President Pu.H. Lalthangliana chu a tel a, a ni hi NEICCYA-ah President niin Meeting hi a kaihruai a ni.
…………………

MTKP HRIATTÎRNA

  1. HIV/AIDS veite tanpuina thawhlâwm:

MTKP Rorêlna 2017-in HIV/AIDS veite tanpui nâna Unit tin TKP inkhâwm vawi khat thawhlâwm MTKP-a chhûn luh thu a tihtlûk chungchângah Unit hrang hrangte thawhlâwm hi Bial kaltlangin October 2017 ral hmain MTKP-ah chhûn luh ni se tih a ni a. Thawhlâwm tling khâwmte hi December 1, 2017 ‘World Aids Day’-ah hlan ni se tih a ni bawk. Sum pêk tûrte chu la rêl leh tûra tih a ni.

  1. Inneih Lawmpuina Thuziak (Citation) Chhut thar a ni:

MTKP Inneih Lawmpuina Thuziak (Citation) kan hman mêk chu kawl lai (stock) a zawh tawh avângin chhut nawn a ni a. Hetia reprint a nih rual hian Executive Committee chuan a thuziak te siam thain a chûl mâm thar leh hlek bawk a ni. Pastor Bial tinin copy 5 zêla la chhuakin mamawh ang zêlin Unit-ten Bial Secretary atangin lâk tûr a ni. Headquarters Office Sêrkâwn bâkah Executive Secretary huam chhûnga awmte tân mahni area office-ah lam theih a ni. Tin, laklawh thila lâk theih tûrin Organiser Quarters-ah kawl a ni bawk. Kawl lai la hmang zo lote pawhin a thar hi lama hman nghâl ni thei se duhthusâm a ni.

  1. TKP Ramthim Ni leh TKP Day Thawhlâwm chungchâng:

May 29, 2017 TKP Ramthim Ni thawhlâwm leh July 30, 2017 TKP Day thawhlâwmte chu Bial kaltlangin MTKP-ah thehluh tûr a ni a. Nikum lam khân hêng ni pawimawh thawhlâwm tlingkhâwmte hi, MTKP Rorêlna 2017 Minutes & Reports bûa târlan ang khân, Mission Relief atân te leh Mizoram Baptist Kohhran hmalâkna lian leh pawimawh a hlawhtlin theih nân te daihzai taka hman a ni a. Kuminah pawh hian a hluhlâng thei ang bera hman a nih theih dân Executive Committee-in a ngaihtuah leh dâwn a ni.

  1. MTKP Inkhâwmpui Tanpuina ` 10/- theuh:

MTKP Inkhâwmpui tanpuina member tina ` 10/- kum khata vawi khat khawn thin tûra tih chu December thla ral hma hian kumin 2017 atâna kan khawn te theh luh fel hman theuh tûr a ni. Chutiang zêlin kum tin December thla ral hmain chumi kum atâna khawn zêl kha theh luh thin tûr a ni e.

  1. TKP Hnatlâng leh Rawngbâwlna chungchânga Thurâwn (Directives):

TKP hnatlâng leh rawngbâwlna pêng hrang hranga chêtsualna (accident) thleng thei leh thleng thîn chungchângah MTKP Executive Committee chuan fîmkhur tûra a thuphunga thurâwn inpêk thain a hria a. Vânduaina a ni a, tûte mahina kan duh loh leh kan thuneihna piah lam thil ni mahse mihring lamina kan tih ve theih tâwk kan programme ruahman leh hna rêlahte TKP ten mihring sahimna (safety) i ngaipawimawh deuh deuh ang u, tiin kan inngên a ni.

Sd/- Rev Lianchhûnga Khiangte

Organiser, MTKP

 

Posted in Uncategorized.

Leave a Reply

Your email address will not be published. Required fields are marked *