Muallungthu  Fellowship, Kohhran puitlinga hlan kaina leh Biak In thar hawnna neih a ni

April ni 30, 2022 (Pathianni) khan Muallungthu  Fellowship chu Kohhran a hlan kaina leh Biak In thar hawnna neih ni in, Biak In hi Rev. R. Lalrintluanga Executive Secretary, Aizawl Area in Biak In hawnna neiin Rev.T.Lalsangvunga, Bialtu Pastor, Central Pastor Bial chuan Muallungthu Fellowship chu Kohhran a hlan kaina a nei nghal bawk.

Inkhawm hi Rev. Dr. V. Kapenga, Central Bial chairmanin kaihhruaiin, Upa Lalhmangaiha Sailo hnen atangin Pathian thu ngaihthla-in Rev. R. Lalrintluanga hnen atangin thuchah ngaihthlak a ni.

BCM Muallungthu-ah hian October ni 11, 2020 khan Fellowship dinin hetih lai hian chhungkaw 4, member 17 an awm a, Rev.H.Lengluta’n Fellowship hawnna a nei a ni. Tun dinhmunah chhungkaw 9 leh member 37 an awm mek a ni.

Biak In hi December 3, 2021 khan sak tan a ni a, a dung ft 30 leh a vamg ft 19 niin verandah hi ft6 a awm bawk. Biak In sak nan hian ₹ 10,77,700/- hman ral a ni.