Hnahthial District khaw hrang hranga Myanmar Raltlan te hnenah Chhawmdawlna Sem a ni.

September ni 16, Ningani khan Relief & Development Hmalakna in Headquarters atangin Rev.R. Lalbiakliana AGS (Service), Pu H. Lalrinawma, Director Relief & Development Dept leh thawktu dang te chu Hnahthial District khaw hrang hrang a Myanmar atanga kan unau Raltlan te Chhawmdawlna pe leh anmahni thlamuan turin an thawkchhuak a. Hnahthial atangin Hnahthial North Bialtu Pastor Rev. H. Lalfakzuala’n a lo zawm bawk.

Chhawmdawlna hi Hnahthial District chhung khaww pasarih – Tarpho, Khawhri, Thingsai, Bualpui (H), Cherhlun, Ngharchhip leh New Ngharchhip ah te sem a ni a, Buhfai, Dal, Chini, Neutrella, Tel leh Buiscuit Pick-up Truck Trip hnih bakah T-Shirt 600 leh Silpauline 100 te sem ral a ni a, khaw thenkhata Ralthuam lo dawngsawngtu Khawtlang Hruaitu te sumfai a tanpui an ni.

Chhawmdawlna sema kal te hi an kalna khua a Raltlan Sub-Committee leh VLTF ten lo dawngsawng in Raltlan an dawnsawn dan leh an Dinhmun te an sawi ho nghal a ni. Hetianga Kohhran Hruaitu ten Raltlan te Dinhmun ngaihvena a hmun ngeia kala an ngaihsakna leh an Chhawmdawlna ah heng khaw hrang hrang khawtlang Hruaitu te chuan lawmthu an sawi a ni.