MZU Inspection Team ten HATIM an en fiah (Edited)

November 16, 2020 (Thawhtanni) khan Higher and technical Institute of Mizoram(HATIM)-ah Session thar atanga subject Psychology leh Education subject te bul tan tura ruahman leh Mizoram University ah phalna an dil mek bawhzuiin University leh State Sawrkar lam atangin Inspection team rawn tirh an ni a. Inspection Team te  hi Director, College Development Council, MZU-hovin an rawn kal a ni. HATIM Principal, Pu Vuansanga Vanchhawng leh a thawhpuiten an lo dawngsawng a ni.

Inspection hi tluang taka kalpui niin, chawhma chhungin zawh fel a ni. BCM Education Director leh thawktute chuan he Inspection hi HATIM in hma lam pana a kal zelna tur atan rahbi pawimawh tak a nih ringin, beiseina sang tak an nei. Inspection Team te hian HATIM dinhmunte hrethiam tak chungin College-in hma a sawn zel theihna tura thil pawimawh te leh tul hrang hrang te sawiin fuihna thu ṭha tak nen an thlah a ni.

Tun dinhmunah HATIM-ah hian Subject 4 – Bachelor of Commerce,  Bachelor of Social Work, Bachelor of Computer Application leh (English, History leh Philosophy) te awmin, Zirlai zawng zawngte hi  Boarding an ni thin a. Kumin Academic Session thar atangin Day Scholars kalpui tan tumin Admission pawh pek chhuah a ni tawh a ni. Amaherawhchu, hrileng avangin class kal mumal theih a nih loh avangin Online class kalpui mek a ni.

……………

PS: Post kan rawn siam hmasak-ah khan Subject hawn tur hi hriatsual palh a ni a, kan edit leh nghal a ni e.. tihsual palh-ah ngaihdam kan dil e..           

– Admin