NCCI Day – January 17

Tunkar Pathianni, January 17, 2021 hi Mizoram Baptist Kohhran Nipawimawh – National Council of Churches in India (NCCI) Pathianni a ni a, kumina NCCI Day thupui “Krista Isuaah chuan in za-in pumkhat in ni si a” tih a ni.

Kum dangah chuan NCCI Day-ah hian Pathianni zing -ah NCCI rawngbawlna tlangpui te leh Headquarters atanga thupui thlan sa hmangin Tualchung Kohhran tinah thuchah ngaihthlak thin a ni a, India ram puma Kohhran hrang hrang te inpumkhatna leh rawngbawl hona atana inpumkhatna kan neih zel theih nana infuih tharna atan hman thin a ni.

Kuminah erawh chuan Covid-19 hrileng avangin Kohhran Inkhawm Programme kan la hmang thei lo va. Kohhran hoten Nipawimawh Programme bu-a NCCI chungchang thu ziak te lo chhiar a, tawngtaina nei turin Headquarters chuan a ngen a ni.

NCCI din chhan leh thiltum bulpui ber chu – India rama kohhran hrang hrangte inpumkhatna tha zawk siam leh sakhaw zalenna vawn him a nih zel theihna tura hma lak te, kristiante tawrhna leh nekchepna  a hluar zel lohna tura hmalakte, retheihna em bo tur leh hnam hnuaihnung zawkte humhalhte hi a thil tum leh hma lakna lian ber berte an ni.