NEICCWA leh NEICCYA Executive Committee meeting

NEICCWA Exe Committee meeting

November 6, 2019 (Nilaini) khan North East India Christian Council, Youth Assembly (NEICC-YA) Executive Committee Meeting  chu The Salvation Army Territorial Headquarters , Temple Square, Tuikual, Aizawl ah an nei.  He Meeting-ah hian MTKP aiawhin Pu F. Lalremruatpuia, Executive Committee member a tel. An thu rel langsar zingah Inter-denominational Youths Service neih dan tur te, Good Will Visit neih dan tur chungchang leh Youth Fest neih hun leh a neih dan tur te rel a ni.

November 7, 2019 (Ningani) khan North East India Christian Council, Womens’ Assembly (NEICC-WA) Executive Committee Meeting pawh Shillong-ah neih a ni bawk a. He Meeting-ah hian Nl. Lalhmingmawii Chongthu, MBKHP Organiser chu member a nih angin a kal. Ani bakah hian Mizoram atangin NEICCWA member Kohhran pawl hrang hrang atangin an tel bawk a ni. An thu rel kan hriat theih chinah kum 2021 NEICCWA 4th Benial Assembly chu MBKHP-in an thleng dawn a, a hun leh hmun tur chu an la ruat that leh turin an dah bawk.

NEICCWA Exe Committee meeting

NEICC Office hi Shillong-ah awmin, kohhrante inpumkhatna atân leh thawhhona tha an neih theih nân hma an la nasa hle. NEICC hnuaiah hian pêng pahnih – Hmeichhe lam Women Assembly leh Youth Assembly te an awm a, hruaitu hran neiin anmahni zâwnah ve ve kawng tam takin hma an la a, Kohhrante inpumkhatna tha zawk kan neih theih nan intlawh tawn leh in tlawh kual programme te an buatsaih thin a ni.

North East India Christian Council (NEICC) hi India hmâr chhaka Protestant Kristiante inzawmkhâwmna pâwl lian leh pawimawh tak a ni a. Member kohhran 35, leh Associate MemberKristian pâwl 17, a vaiin 52 a nei a. Mizoram chhûngah hian Baptist Church of Mizoram, Mizoram Synod, Evangelical Church of Maraland, Lairam Isua Krista Baptist Kohhran, Salvation Army, Evangelical Free Church of India, Independent Church of India, Zoram Evangelical Fellowship, Mizo Theological Association, The Leprosy Mission leh Thlarau Bo Zawngtute (TBZ) te chu member an ni.

Posted in BCM News.

admin

Leave a Reply