Non-Mizo Kristian Inkhawmpui-2019

Baptist Masihi Sangati Inkhawmpui na tur : BCM Biak In, Salem Lunglei

Mizoram Baptist Kohhran, Non-Mizo Mission buatsaihin September 6-8, 2019 hian Mizoram Baptist Kohhran Biak in, Salem, Lunglei-ah Baptist Masihi Sangati (Non Mizo Kristian)  Inkhawmpui vawi 32-na neih a ni dawn a. Thupui atan ‘Pathian Hmangaihna’ tih a ni ang. Rev. B. Zirsangliana, Director, Non-Mizo Mission  chu Speaker a ni ang.

Zan lam inkhawm hi dar 6:45-ah tan thin a ni ang a, Inkhawm apiangin Zaipawl leh Special Item 10-14 vel a awm thin dawn a ni. Thlenkim zan hian TKP Salem Unit ten Inkhawmpui hawnna an nei ang a, Bialtu pastor-in Palaite lawmna thuchah tawi a sawi ang. BCM General Secretary, Rev. F. Ramdinmawia’n Non-Mizo Kristian hlabu a tlangzarh bawk dawn a ni.

Inrinn zingkarah Tawngtai Inkhawm leh Bible Study neiin, chawhma dar 9:30-11 Pathian Biak Inkhawm leh Chawhnu lamah Fakna Inkhawm neih a ni ang a, Pathianni Chawhma lamah Pathian Biak Inkhawm leh Chawhnu-ah Baptisma leh Lalpa Zanriah(Sacrament) inkhawm neih a ni leh ang. Pathianni zanah Inkhawm awmin Inkhawm ban-ah Pathian faka zaikhawm tlaivar Programme-in a zui leh dawn a ni.

Lib. Picture:  Baptist Masihi Sangati Inkhawmpui: 2018, BCM Peniel, Hnahthial

 

Posted in BCM News.

admin