Non-Mizo Mission Deirector ruat thar

Mizoram Baptist Kohhran Pastoral Committee Meeting,  May 28-a neih chuan Assembly 2019 Rorelna –in Non-Mizo Mission chu Director neia kalpui ni se ti-a a lo rel angin, Pastor In-charge ni mek Rev. B. Zirsangliana chu Non-Mizo Mission Director atan ruat a ni a. Thuleh awm hma chu Pastor In-charge hna nen a kawp rih dawn a ni.

Tun tum BCM Pastoral Committee Meeting hian Revival & Evangelism Committee member leh Kohhran Upa & Pro.Pastor exam Board member te a ruat thar a, Pastor Refresher Course buatsaih leh Pastor lak thar tur chungchang te an rel bawk.

Tunkar chhung hian Assembly hnuaia Department Committee hrang hrang neih chhoh a ni a, nimin lamah Property Committee Meeting neiin vawiin, May 31 hian Mission Board an thu leh mek a. Heng Meeting hian kum thar atana Department insiamremna tur leh hmalak dan tur te an thlir ho tlangpui a, Financial Year thar atana hmalakna tur Working Plan leh Calendar te an siam bawk.

Posted in BCM News.

admin