Dr. RL Hnuni Ordain remti ta

 

 

Vawiin atanga tan, BCM Assembly Executive Committee Meeting chuan an thu ngaihtuah langsar zinga pakhat – Hmeichhe Theologian, Dr. RL Hnuni, Principal, AICS ordain chungchang chu ngaihtuah lehin kumin Assembly-a ordain turin a passed ta. Dr. RL Hnuni  ordain chungchang thu hi Pastor Bial, ABC leh Pastoral Committee-ah te ngaihtuah a lo ni tawh thin a. Tun tum hi Executive Committee a thlen vawi hnihna a ni.

 

Dr RL Hnuni Thu­thlung Hlui lam thiam bik a ni a;  Aizawl Theological College- leh Eastern Theological Colleg -ah te lecturer hna a lo thawk tawh a ni.  Rev. Dr.K Thanzauva nen 1980-ah an innei a ni, Fapa pahnih leh fanu 2 an nei.  BCM-in AICS a din tirh, kum 2001-ah Principal-ah dah a ni a, vawiin thlengin he hna hi a la chhunzawm a ni.

 

BCM Assembly 2012 hi March 7 – 11 ah Mizoram Baptist Kohhran, Electric veng, Lunglei-ah neih a ni dawn a. March ni 11, Pathianni Inkhawm-ah Ordination hi neih a ni ang.  Pastor Ordain tur midang te, Pastoral Committee-in a thlan te hi tuna Executive Committee-ah hian pawmpui an nih hnu-ah nemngheh tura chhawpchhuah an ni ve dawn a ni.

 

Executive Committee tan ta

Mizoram Baptist kohhran Rorelna sang, Assembly Executive Committee Meeting chu vawiin January 18, 2012 hian Sap Upa leh Pu Buanga Hall, Serkawn-ah tan a ni ta. He Meeting-ah hian Pastor Bial tin atangin Bial aiawh Rorel palai pahnih theuh bakah Department hrang hrang aiawh leh BCM puipa-te an tel kim hle. He Meeting hian naktuk thleng a awh ang.

 

Meeting hi Rev. Dr. K. Thanzauva, President, BCM-in a kaihruai a.Rev. H. Lianngaia, General Secretry-in kum 2011 chhunga BCM hmalakna leh rawngbawlna hrang hrang report tawi a pe bawk. Thurel tura chhawp chhuah (Agenda) langsar zual te:-

 

1.    Yeshu Bhakt Pavitra Sabha nena MoU sign thu.

 

2.    Mission Field thar, Arunachal Far East hawn thu.

 

3.    Mission rawngbawl kum 75-na lawmna leh Missionary Conference 2014-a neih thu.

 

4.    Rajbongsi hnam zinga thawh thu.

 

5.    Serkawn Sikulpui nei let leh tura Sawrkara dil chungchang.

 

6.    Pensioner-te hlawh siam that thu.

 

7.    Hospital tan C.T. Scan lei thu.

 

8.    Kohhrana Temporary Member-te thununtu chungchang.

 

9.    Serh leh sang khawih theih pek dan condition chungchang.

 

10.    Thawktute hlawh D.A. 10 % -a tihpun thu leh Contract Basis te Special Allowance Rs. 500 (Fixed)-a tih pun thu.

 

11.    BHSS Staff-te Deficit Mission School Association-a tel thu.

 

12.    Mizo tawng Bible zirna (Bible School) AICS hnuaia din chungchang.

 

13.    Dr. R.L. Hnuni Minister atana ordain thu

 

14.    Post hawn dilna :
i)    Lecturer (Temporary) pahnih     –  AICS
ii)    AICS Registrar (Temporary) pakhat –  AICS
iii)    Junior Engineer (Civil) (Temp) pakhat – Hqrs. Officce
iv)    Accounts Officer (Substantive) pakhat – Hqrs. Officce
v)    Public Guidance Organiser (Subs)    pakhat – Social Concern Dept.t
vi)    LDC (Temporary) pakhat –  Medical & Health
vii)    Ophthalmic Assistant (Temp)pakhat –  Medical & Health
viii)    Dietician (Temporary) pakhat –  Medical & Health
ix)    Pastor / Minister (Substantive) pariat –    Pastoral
x)    Missionary                Mission

 

 

15.  Hna (Post)hum dilna – Post 5 (Missionary-Evan. Teacher 4 leh English Teacher 1)

 

16.    BCM Motor hlui pali ( Gypsy -2, Bolero-1, Lawngtlai Bus-1) tih ral a a thar lei thu leh HATIM tan Bus thar lei thu.

 

17.    Budget – 2012-2013

………………………………………………………

 

BAPTIST CHURCH OF MIZORAM

ASSEMBLY  EXECUTIVE  COMMITTEE  MEETING

JANUARY 18-19, 2012

GENERAL  REPORT


Rev.H.Lianngaia.

General Secretary

 

Mizoram Baptist Kohhran Assembly Executive Committee member zawng zawngte Kan Lalpa Isua Krista hmingin kum thar chibai ka buk a che u. Kum thar 2012 lo inher chhuakah hian Pathianin BCM hmangin hna tam tak thawh tur a neih leh dawn avangin Pu William Carey-a’n- ”Pathian hnen atangin thil ropui tak beisei la, Pathian tan thil ropui tak tih tum bawk rawh” a tih thu kha kan rilruah lo nung thar leh sela.,Pathian avanga mite tana malsawmna tam leh zual thlentu ni leh turin BCM Member zawng zawng ka ngen bawk a ni.

 

August 24-25.2011 khan AEC-ah hian report ka pek tawh, Assembly thud ah-te sawi nawn leh hlek a awm dawn a, chu bakah thil hriat tur thar leh pawimawh zualte nen a hnuaia tarlan te hi memberte hnenah ka han report leh e.

 

1. Planning leh Dante: Assembly-in a pawm angina Department hrang hrangin kan Planning pawm ang khan hma lain kum thar atan pawh hma chhawp siam a ni a; tin, Planning-in a khawih danglam avanga siam that ngai-Constitutions & Rules, Finance Rules, Recruitment Rules-te pawh siam that niin a Bu-a chhut theih tura ruahman vek a ni a. Assembly 2012 hunah chuan hman theih ngei beisei a ni.

 

2.  Thawktu lak dan: Assembly khan Hna nghet leh Temporary post a hawn/hum zat leh kan lak zat hetiang hi a ni:-

 

S/no Department Name of Post No.of post Nature of post HnaThar or Hum Lak tawh
1 Pastoral Pastor/Minister 5 Substantive Thar 5
2 Mission Even-Teacher 1    -do- Hum 1
3 R & D Accountant 1 -do- Thar 1
4 B.P.P Br Manager 1 -d0- Thar 1
5 R & D LDC 1 Temporary Thar 1
6 Education (HATIM) Asst Professor 2 Temporary Thar 2
7 Mission Evan-Teacher 2 Temporary Hum 2
Total   13     13
8 Mission Missionary 18 Contract Thar 18
G.Total   31     31

Tihian Thawktu kan lak thar zawng chu mi 31 zet an ni. Contract thawktu hi hmaih palh a la awm hlek mai thei bawk.

 

 

 

3. Palaina: Assembly 2011-in a ruat angin heng a hnuaia meeting pawimawhahte hian kan Kohhran aiawhin Palai kan kal:-

PALAINA A HMUN A HUN PALAI KALTE
E.C.M ECM Local Church.Chapi 23-27.Feb Rev R.Zohmingliana..        Electric
Upa F.Aichhunga               Pukpui
Upa H.T.Vanhmingthanga. Goshen
IKK.Blp(Ng) IKK.New Saiha 18-20 Mar Rev.R.Lalbiakliana             Director.FOD
Upa R.Lalduhawma            Zohnuai
LIKBK LIKBK Moria Chanmari 23-27.Mar Rev.Raltawnga                   Venglai,
Upa C.Sangliana.               Chanmari.
TBCU Marsum Pathor.Tripura 29Ap-1May Rev.C.Rothuama                Serkawn
Upa R.Lawmzuala              Sethlun
Upa.ZD Zamawia.              Dinthar.Azl W
BCTA 19E.RajNiwasMarg.Delhi- 28th.June Rev.V.Laldingliana.           Delhi
Upa K.L.Biakchungnunga  Delhi
Tv. Zothana                        Delhi
NEICC Agartala Mission Comp’ 18-22.May Rev.Dr.K.Thanzauva.         President
Rev.C.Ngurhnema.            AGS.
Rev Zonunvula Ralte.        Zawlnuam
Rev H.Sangchema             Director.Edn
Upa Dr.R.T.Hnialum.        Lawngtlai
Rev.L.Vanlalsanga            Tripura F/D
Pu C.Vanlalsawma.            St James H/S
Pu C.Lalremsanga            Elem Eng.Sikul
BWA Kuala Lumpur.Malaysia 4-10.July Rev.Dr.K.Thanzauva.        President
Rev.H.Lianngaia               Gen Secy
Rev.Dr.K.Lalrinthanga     AGS. Mission

 

Dr.R.L.Hnuni.Principal.AICS pawh  NEICC leh BWA-ah hian a kal a.NEICC-ah hian Aizawl Area BCM Choir an kal bawk. Tin, heng bakah hian BCM aiawhin  EFI Diamond Jubilee. Ni 13-15.May khan Shillongah Rev.Dr.K.Lalrinthanga, Rev.Hrangaia Hmar leh Pi S.Thanchhungi te an kal a.NCCI leh APBF Mission Consultation.Guwahati-ah ni 22.June khan Rev.F Ramdinmawia leh Rev Laltanpuia te an tel a. Hemite huaihawt bawk hian Kohima-ah ni 24-27.Aug khan Rev.TC.Laltlawmlova a kal a. Nagaland Baptist Church Council (NBCC) kum 75-na 2012-lawmna inbuatsaih nan BCM nen consultation buatsaih a ni a, ni 9-11.Aug khan Kohimaah Rev Dr.K.Thanzauva leh Rev.H.Sangchema te an han kal bawk.

 

4. BCM-a mi hmasa leh sulsutute chanchin: Assembly-in ziak tura a tih angin Publication Board chuan a umzui a, hma lak mek a ni.

 

5.  Mizo Tawng Bible zirna buatsaih: Hei pawh hi Theological Edn Board-in a umzui zel a, tun AEC-ah hian sawiho tura chhawp chhuah a ni.

 

6.  Hospital tan C.T Scan lei thu: Assembly khan Medical Dept-in alei dan tur lo zawng se,Fin Comtt kaltlangin AEC-ah thlen leh nise a tih chu ‘Huphurhawm’ lam zawngin rawn thlen let a nit a thung.

 

7. Ropuina Ramah: BCM a thawktu leh pension tawh mi 6 laiin Ropuina ramah kum 2011 chhung khan min kalsan a, Chungte chu:-

S/no HMING DEPARTMENT THIH NI An kalsan tak
1 Pu HC Nghinga Administrative 22.Febuary. Chhungkua leh
2 Upa L.Thanghluna Mission (RCM) 29.March Kohhrante kan
3 Pu P.C.Liankima Health&Medical 25.June Tuarpui hle a.
4 Upa Dr.P.Lalringa Mission + BMS 10.September. Pathianin awm-
5 Revd.HC Vankairinga Pastoral (AICS) 11.December. -puiin thlamuan
6 Upa S.Darkama Mission 30.December. zel rawh se.

 

8. Building Hma chhawp: Tunah hian Chanmari Aizawla te, AICS Girl Hostel leh Mission Training Centre te,Hospital Lawngtlai leh Nursing Hostel Serkawn te, BCM Head Office Block 2 te Baptist House,Guwahati 2nd Floor te chu sak mek a ni a. HATIM New Campus development leh Building te hmabak lian tak kan nei mek.

 

9. Sum dinhmun: Kum 2011-2012 chhung Church Contribution tur ruahman chu           Rs 19,68,49,700.00 a ni a. Pastor Biala Target sem chhuah zat erawh chu Rs 18,55,79,700.00 a ni. A bak zawng chu Supporter,MBKHP leh MTKP tum tura dah a ni.

December 2011 thlenga kan dinhmun chu Rs 160,389,573.00 a ni.

 

Kum 2012-2013 atan BCM Total Budget chu Rs 36,74,71,600/- a ni a. Kohhran tum tur chu Rs 23,33,23,700/- a ni. Kum kallai aia punna = Rs 3,50,98,100/-

 

10. Mission Rawngbawlna (statistics): January to December.2011 chhunga kan rawngbawlna rah hetiang a ni:

(1).  Kohhran member punna……….10,143.

(2). Baptisma chang thar………..7,569.

(3).  Kohhran Ding thar zat…………….  64.

(4). Fellowship ding thar…………   98

Missionary hi (an nupui/pasalte chhiar tel an nih tak avang khan )tunah hian mi 757 an ni.

Ramchhung Mission- a BBC ten hma an sawn hle zel a. Chakma Mission pawh Planning-a ruahmanna angin kan kal tan a, hmasawn hmel a lang mek bawk.

 

11. Assembly.2012: Kumin Assembly chu BCM Electric Kohhranah kan nei dawn a, theih ang angina an inbuatsaih mek. Thupui atan “Thianghlimna” thlan a ni. BMS atangin Mission Director Pu Peter Dunn pawh lo kal a tum a, BCM muala BMS monument hi dedicate tir tum a ni.  Heta tan hian BMS hian AICS-a Mission Building sakna atan Euro sing li vel zetin min tanpui an tum nghe nghe a ni.

 

General Secretary- Kumthar thuchah

General Secretary   
KUM THAR THUCHAH

Chibai bukna:  
Mizoram Baptist Kohhran memberte leh Baptist Today chhiartu zawng zawngte kan Lalpa Isua Krista hmingin kum thar chibai ka buk a che u. Lusun fate leh natna khirh tak tawka kum thar hlim taka hmang ve thei lo chhungkuate erawh kan lainatin kan tuarpui tak zet che u a, kan awngaipui reng bawk a che u; he kum thar hian Pathian malsawmna leh  chhungkaw hlimna tam zawk rawn thlen che u rawh se.
Lawmthu sawina:
Kan hman liam tak kum 2011 chhunga Pathianin Kohhranho min hruai dan leh a malsawmna kan dawn tam tak sawi tur a awm, heng zawng zawng hi chhungkaw member tinin Pathian leh Kohhran tana in inpekna leh inphalna avanga hmuh theih a lo par chhuak a nih avangin Pathian hmingin in zaa hnenah lawmthu ka sawi tak meuh a ni.
S^wmna:
Kan mi duh tak te’n khawvel chhuahsana min kalsan hnua keini nung dama la awm, khawvel la luah mekte hian kan chak bik vangte, kan hrisel bik vangte, kan phu reng vangtea hun la nei kan ni lo va, Pathianin he khawvelah hian tih tur min la pek avang chauh z^wka mi nung rama la ch^m hi kan ni tih hriain Pathian hn>nah lawm nachang hria ila, lawm chunga rawngbawl hna thawk zel turin ka sawm thar ve leh che u a ni.
Hma chhawp:
Mizoram Baptist Kohhran hian kohna leh chona chhen mek leh la chhan zel tur kan neih belh zel. Ramthima boral mekte’n min au reng a, Ram chhungah- Ram changkang leh hausa zawkte hnu uma-retheihna (BPL) um bo va, khawsakna sang leh changkang zawk (APL) a kan khawsak theihna tur te, bawrhsawmna leh natna laka damna leh hriselna tha zawk kan neih theihna turin Damdawi in leh mi thiam zawk buatsaih te, mawlna leh thiam tlemna kalsana thiamna sang zawk leh finna thuk zawk nei tura zirna leh training-na hmun buatsaih te, tunlai thiamna hmanga Kohhranhote thu thar inhriattir tawnna te leh rawngbawlna leh thlarau nun kawnga hmasawnna tura  hmalakna hrang hrangte chu min ko-tu lian zualte an ni a.
Chutih rual chuan kan ram chu-Sodom leh Gomora sualna leh Nova dam laia mihring sualna chhumpui ang khan min chim reng bawk a. Hengte hi Ringtute min chotu an ni. Kohhran hi Lalpa indonaa tel ve tur hian khawvelah Lalpan min la dah a ni tih hi a chiang khawp mai.
Kumthar Project:
Pathianin Joshua hnena, “I lo upain i lo tar ta hle a, ram lah chu lak tur a la tam si a…”(Jos 13:1) a tih ang khan thawk tam tawh, thawh tam bik, upa lutuk tawh, hna tul dang nei tam kan lo inti tawh mai thei; mahse Pathianin chawlhna (CL/EL) min la pek loh tlat avangin hetiang hian tan i han la thar leh teh ang u.
1. Rinnaa kal:
Paula chuan hmuh theiha kal lova rinnaa  kal zel zawk a nih  thu a sawi a. Rinnaa kal awmzia chu rin kal, rin tih ni lovin Isua Krista rinnain, Pathian thiltihtheihna rinchhana kal tihna zawk a ni.  Pathian thu chuan ringtute hi ral do mek sipai angin a tehkhin a (2Tim 2:3).Mizoram Baptist Kohhran hi member 150,000 vel zet kan ni a. Sipaiho hi ‘Battalion khat’ an tih chu sipai 1000 rual vel an ni awm e. Chutianga chhut chuan BCM hi Battalion 150 zet kan nih chu!. Joshua’n Jeriko kulh bula khandaih phawisa kenga a hma zawna ding a hmuh kha ‘Lalpa sipaihote hotu’ (Commander)a ni a,. Anmahni tamna, hausakna leh indo thiamna ring lova Pathian thiltihtheihna zawk ringa Jeriko an han hual khan beih pawh ngai lovin an tlawm nghal mai a nih kha. Kan rin (Commander) chu Lal Isua a nih avangin amah leh a thiltihtheihna rinchhana ke kan pen phawt chuan  ram chu kan la ve ngei ang.

2. Inpekna:
Pathian chuan thil engkim a ti thei, mahse min duhsak zawkna avangin Hmanruaah min mamawh thin. Jentail khawpui Ninevi chu sual vanga hrem leh boral vek tur an nih lai khan Jona chu     (Phek 3-naah chhunzawm a ni)  simna tlangau turin Pathianin a kova, a tir a, hmanruaah a duh a ni. Jona inpek hma kha chuan ngaihdamna an chang tak tak thei lo, Pathian tirh anga inpea thu a hril meuh kha chuan kha khawpui khan ngaihdamna a chang ta a nih kha. Pathianin khawvelah hian Hna thawh zawh tur (mission) a nei a. Pathianin khawngaihnain a mission-a tel ve tur chuan min sawm a ni; inpekna hian tuh loh rah sengtu chan min chantir bakah nakinah lawmman ropui tak min siamsak bawk dawn a ni. Pathian hian atana keimah ngei ka inpekna aia duh a nei love.

3. Tanrualna:
Mizoram hi Kristian ram intiin Mizo hnahthlak zawng chu Kristian vek zawng kan ni ngei mai. Mahse bihchian kan ngai. Tualchhung Kohhranah hian member 100 zela 50 (a zatve) pawh hi active taka  Pathian chibai buk leh a rawngbawlnaa inhmang kan awm meuh awm love !Khawii Kohhran pawh hi member tlem zawkte inpekna leh thawh khawm avanga lang mawi mai kan ni. Chuvang chuan he kum tharah hi chuan Kohhran leh FOD lam Hruaitute’n kan hmalak tur pawimawh tak chu chhungkaw tam zawk leh member tam zawk Kohhranah leh rawngbawlnaa active taka tel tir hi ni teh se. A lu nung tam hrim hrim pawh hi a pawimawh a ni. ‘ He mite chhungkua hi’ emaw, ‘He pa, he nu hi ka target dawn a ni’ tiin pawisa chauh ni lovin mihring ngei hi target-ah neih hial teh ang u. Lal Isua ngei pawh khan mihring hi a ni a target tlat chu ni. Kan Pathian thahnemngaihna chuan mi zawng zawng , tam thei ang ber a huap zel a ni. Tichuan, he khawvelah hian Kohhran ngelnghet tak leh Lal ram ropui tak a ding thar zel ngei ang.
………………….

BCM Evangelistic Teams’ Conference

BCM hriatpui Evangelist team-te pualin January 26-29, 2012 hian Serkawn Biak inah Inkhawmpui neih a ni dawn a. Thupui atan “Thiltihtheihnaa Thuam” tih a ni ang. Tunah hian BCM hian Recognised team 43 a nei a; team khat atangin mi 4/5 vel theuh tel tura beisei a ni.

 

He mi hun lai hian Tualchhung Kohhran tu mahin Evangelist te nen programme siam lo turin ngen a ni. Programme chipchiar leh Team List thar ber chu a hnuaia link-sh hian en theih a ni e.

 

Evangelistic Team Conference Programme

 

BCM Recognised Team List-2012

Sunday School Hriattirna

1. Sunday School rawngbawlnaa kum 50 thawk tawh, Assembly-a medal dawng turte chu report form hmangin January 27, 2012  aia tlai lovah in report tur a ni ang.

2. Target la pe lo Bial thenkhat kan la awm a; ngai pawimawh turin kan inngen nawn leh a ni.

Sd/-

Rev.B. Lalramhluna
Director,
Christian Education Department

MBKHP hriattirna

February 2-5, 2012 hian MBKHP Inkhawmpui vawi 48-na chu Zobawk khel mualah neih a ni dawn a. BKHP member, a tam thei ang ber kal turin kan insawm e. Palai turten hengte hi kan hre dawn nia:
1. Rorelna hmun: Ebenezer Biak in, (Pandal bul lawk)
2. Rorel palai    : Unit aiawh 1 leh Bial aiawh 2 theuh
3. Inkhawmpuina hmunah BKHP Thuzir bu lei theih a ni ang.
4. Bial leh Unit flag lei theih a ni ang.
5. Mutbu lum tha tak ken theuh tur.
6. Chanvo neitute tan i tawngtai thin ang u.

B. Singpari
Organiser, BKHP

BCM News

 

 

Thawktute Inhlan thar
Mizoram Baptist Kohhran hnuaia hna hrang hrang thawktute chuan January 5, 2012 khan Office an tan leh tawh a; January 6 khan an hna theuhte Pathian hnena kawltirin inhlantharna hun an hmang. Inhlantharna hun hu Lawngtlai, Aizawl leh Lungleiah te neih a ni a. Headquarters leh a chheh vela mite chuan Sap Upa leh Pu Buanga Hall-ah an hmang a; Aizawl-ah chuan Savidge Hall-ah hun hmangin Lawngtlai-ah chuan ES Office-ah an hmang. Kumin inhlantharna programme-ah hian an kal tha hle a. Hqrs.ah chuan thawktu 201 an  tel a, Aizawl-ah 61 leh Lawngtlaiah 34 an tel.

 

Missionary Day vawi 118-na hmang
BCM chuan Missionary Day vawi 118-na chu January 11, 2012 khan ropui takin a lawm. Kumin Missionary Day thupui atan ‘Dak ulang lote en rawh u’ tih thlan a ni a. Sawrkar chawlh a ni bawk a; Biak in tinah zing leh zan inkhawm buatsaih a ni a; a tam zawk chuan chhunah zaikhawm programme an hmang thei bawk.

 

Nupa tuak 35 Innei tha
Phawngpui South biala Bualpui ‘Ng’ Kohhran chuan an hun laia Kohhran hriatpui lova inneite pualin January 5, 2012 khan Inneih Ni a buatsaih a. Hetah hian Nupa tuak 35 te chu bialtu pastor, Rev. K. Lalhnehliana’n a invawn that tir a; an zingah hian Upa 4 leh Rawngbawltu 3 an tel.

 

AGS i/c Service Vellore-ah
Rev.C. Ngurhnema AGS i/c Service leh Dr. Lalramzauva, Medical Superintendent te chu January 19-20, 2012 a CMC Vellore Council meeting-a tel turin naktuk, January ni16 hian an kal dawn.

 

MTKP Hruaitute Programme
Mizoram TKP hruaitute chuan hetiangin programme hrang hrang an nei hlawm: President, Rev.R. Zohmingliana Mualthuam North TKP  Unit Diamond Jubilee January 13 hmanpuiin. He mi ni vek hian Sekhum Unit TKP Diamond Jubilee hmanpuiin Treasurer, Pu F.Lalromawia a kal bawk.
Evangelist team Inkhawmpui
BCM hriatpui Evangelist team-te pualin  January 26-29, 2012 hian Serkawn Biak inah Inkhawmpui neih a ni dawn a. Thupui atan “Thiltihtheihnaa Thuam” tih a ni ang. Tunah hian BCM hian Recognised team 43 a nei a; team khat atangin mi 4/5 vel theuh tel tura beisei a ni.  He mi hun lai hian Tualchhung Kohhran tu mahin Evangelist te nen programme siam lo turin ngen a ni. Kar lehah Programme chipchiar kan rawnm tarlang ang.

 

JSBA-TKP Inkhawmpui
Jampui Sakhan Baptist Association- TKP Inkhawmpui chu January 13-15, 2012 hian Sabual khuaah neih a ni dawn a. MTKP atangin Finance Secretary, Pu Victor Lalrinawma Sailo leh Exe.Committee member, Pu C. Lalthantluanga te an kal.

 

MTKP Organiser Sangau-ah
Vawiin Pathianni hmang hian Phawngpui North Bial TKP Inkhawmpui chu Sangau Biak inah neih a ni dawn a. MTKP Organiser, Rev. Samuel Lalremsanga chu Speaker a ni.

 

Upa LH. Liandinga tha zel
BCM Office Superintendent, Upa LH. Liandinga Vellore-a kal thlak pawh a tha chho hret hret a; kal chak leh chak lo tehna ‘critinene’ a  la pangngai lo deuh hlek chauh a ni. Tunah hian Damdawi in chhuahsanin in an luah a; ni khat danah in check-up reng a ngai. A nih dan phungah chuan June thla thleng chu inenkawl a la ngai ang.

Mission News Updates

 

 

Baptisma chang thar
January 8, 2012 khan Sedailuiah Chakma ringthar baptisma chang 4 an awm.

 

Tuichawngah Member thar:
Tuichawng Kohhranah January 8 khan member thar 12 an lawm lut a; remchang hmasa berah baptisma chantir tum a ni.

 

Work Camp
Theiriat Gilgal Kohhran te chu Zawlpui-ah School Building sain WoekCamp neiin an thang mek.

 

Mission Promoter Basar-ah
BCM Mission Promoter, Pu HS. Lalhmingthanga chu United Galo Baptist Church Association (UGBCA) Annual Conference, Basar (AP East) a neih mek (January 13-15)-ah speaker turin an rawn sawm a. Upper Republic bial Zaipawlte nen an kal. Basar hi kan Missionary, Pu David Lalrengpuia thawhna hmun a ni.

 

BBC Pung zel
Bru Baptist Church chu anmahni kea an din hnu kum reilote chhungin member an pung chak hle. Kumin Krismas leh kum thar vuak vet lai khan member 547 in an pung a. Kum 2009-a member 6000 vel nena  indang kha tunah chuan member 14000 an chuang ta. Thilpekah pawh hma an sawn hle a; February thla hian Assembly nei turin an inbuatsaih mek.

 

Nyisi Thalai Inkhawmpui
Arunachal Pradesh-a kan thawhna hnam pakhat Nyisi Thalai Inkhawmpui chu January 12-15 hian an nei mek

BCM Mission Field Ringthar 7569

Kum 2011, January-December chhunga Mizoram Baptist Kohhran Mission Field hrang hranga ringthar Baptisma chang report kan hriat theih chin chu an vaiin mi 7569 an ni a. Hei hi BCM record-ah kum khat chhunga Ringthar tam ber kum a ni. Heng bakah hian Kristiana inpe, baptisma la chang lo te nen veka chhiar chuan ringthar punna chu 10,143 a ni thung. Kohhran thar 64 leh Fellowship 98 din belh a ni bawk.

 

 

BCM Mission Field Ringthar Report 2011

 

BCM Missionary Statistics 2011

 

Missionary Day hmang dawn

Tunkar Nilaini, January 11, 2012 hian Mizoram-a Missionary hmasa ber lo thlen champha phak, “Missionary Day” chu hman a ni dawn a. He Ni hi Mizoram Sorkar chuan Sorkar chawlh (State Holiday) atan a hmang thin a, Kohhran hrang hrang ten awmni khamin inkhawm leh Inpawlhona/zaikhawm-in hun an hmang thin a ni.

 

Mizoram Baptist Kohhran pawhin he Ni hi urhsun takin a hmang thin a. Kuminah pawh Tualchhung Kohhran tinah Programme siamin Kohhran tam tak chuan awmni khamin ruai nen an hmang leh dawn a ni. Kumin Missionary Day thupui atan chuan “Dak ulang, Lote en rawh u” (Johana 4:35) tih hman a ni ang a, Chawhma lamah inkhawm, chawhnu lamah Inpawlhona leh zan lam Inkhawm -ah te he thupui hmang hian hun changtuten thuchah an sawi dawn a ni.

 

Missionary Day kan hman thin hi Mizorama Chanchin Tha rawn thlentu, Sap Upa (Rev.F.W.Savidge) leh Pu Buanga (Rev.J.H.Lorrain) te’n Arthington Aborigine Mission tirha Mizoram (Sairang) an lo luh ni champha a ni.  January 11, 1894 khanSap Upa (Rev.F.W.Savidge) leh Pu Buanga (Rev.J.H.Lorrain) te chuan Mizoram leilung rawn rapin Sairang-ah an lo lut a. Hemi atanga kum -100-na, 1994-ah Mizoram pum-ah Gospel Centenary lawm a ni a,  Mizoram Kohhrante ngen angin Mizoram Sawrkar chuan he mi ni hi sawrkar chawlh (State holiday) ah a puang ta a ni.  Vawiin thlengin hei hi hman a la ni ta zel a, Kohhran hote pawhin kan ngaipawimawh chho tawlh tawlh a,  Kohhran tam tak chuan urhsun takin, awmni khamin an hmang chho ta zel a ni.

 

Detail History

…………………

 

Kohhran hrang hrang Missionary Day hmang turte Report tawi:(From Facebook)

 

  • Puia Fanai: BCM Farm Veng : Zing Inkhawm, Chhunah Zaikhawm, Zan Inkhawm, Inkhawmban zaikhawm…chuan Dt 16.12.2011 zan atanga Kohhran zaikhawm kan neih kha tun thlengin kan la zaikhawm a, Kohhran hote kan hlim hle…

 

  • Zova Renthlei: BCM Pangzawl, Ramrikawn leh  Venghlunten Ruai nen kan hmang dawn, thawhleh zan atangin Program kan tan ang.

  • CL HruaiaBCM Ramhlun N pohin ruai nen an hmang don. BCM Zotlang chuan chhun leh zanah Inkhom prog. Chhunah Rev Zauva (Thailand), Ar sawhchiar nen. zanah Rev Vanlaldika, AICS.

 

  • Hrahsel Vanlalruata: Zemabawk lamah chuan Bial chhung kohhran ten awmni khamin kan hmang vek dawn!

 

  • Kaia Pachuau: Chandmary, Longtlai ah chuan 10.01 zan atangin kan hmang tan anga, Ruai nen a ni hi ropui taka hman tum a ni. 11th zing leh zan inkhom leh zaikhom nen.

 

  • Lalruatfela Hnialum BCM Nazareth,Lawngtlai
    Ni 10 jan atangin kan jaikhawm anga,missionary day ah ruai kan siam ang.Zing inkhawm leh zan inkhawm a awm bok ang.

 

  • Lalremruata Renthlei: Tawipui bial lam pawh kohhran tin ten nileng leh zan programe kan hmang dawn e. Dema pachuau kan lo tawgtaipui che u

 

  • Kimtea Pautu: BCM Zohnuai–  chuan nilengin hun kan hmang ang zing lam inkhawmah kan veng atanga voluntery missionary Nl Pc Lalruatpuiin thu chah a sawi ang zanah voluntery missionary tho Nl Pt Lalthanpuiin thu chah a sawi ang

 

  • Awmawii Chongthu BCM Republic vengthlangin nilengin kn hmang dn a,zingah Misionary C.Lalruatthangan thusoi anga,zanah misionary tho C.Lalremruatin a soi anga chhunah swhchiar siamin ‘Chanchintha avanga kan hmaswnna te’tih thupui then hrang2 hmangin inpawlho na kn nei ang

 

  • Awmawii Chongthu BCM Republic vengthlangin nilengin kn hmang dn a,zingah Misionary C.Lalruatthangan thusoi anga,zanah misionary tho C.Lalremruatin a soi anga chhunah swhchiar siamin ‘Chanchintha avanga kan hmaswnna te’tih thupui then hrang2 hmangin inpawlho na kn nei ang

 

  • Kawlkunga Kawlni: BCM Ramthar zing Inkhawm Rev Lalchamlianan thuchah a sawi ang. Chhunah Inpawlho,zan inkhawm leh zaikhawm.

 

  • Muana VangchhiaBCM ZotlanginPathian hruaina hnuaiah Krismas leh Kumthar hlim takin kan hmanga. Zaikhawm ala kal zel. kumhlui 2011-a Taksa-Rilru-Thlarau saltangte chhanchhuahna beihpui athlakna kawng hrang hrang(Camping, Home Visit, Chawnghei tawngtai, Counselling) chu Lalpan mal a sawm zela, SALTANG engemaw zat chhuahin an awma, Taksa leh Thlarau lamah pawh damna chang an awm mek zel. Lawm avangin an neih ang ang Pathian tan an rawn hlan zel. Missionary Day ah pawh hian chhungkaw pakhat chuan Pathian hnena an lawmthusawinan chhun thingpui-hmeh thawh an tuma, an Vawk vulhlai ngei mai, hmalam hun atana an lo innghahna chu an hlan hmiah mai. A ropui thin khawp mai.

    2 hours ago · · 1

 

  • Peka LtiSalem, Lawngtlai-3 pawhin nilengin kan hmang ang’ ti hian ka’n thawh ve mai ang e. Zaikhawm pawh kan la chatlak lo…Pathian khawngaihna azarah.

 

  • Hlima RalteBCM Zotlang(Lunglei) chuan Ruai theh programme an siam lo a, Mahse mithahnemngai ten Vawk an thawh a, Missionary Day ropui takin Ruai nen an hmang dawn tih report kan dawng bawk.. Praise the Lord..

 

  • Lalhmangaiha ChhakchhuakKeini bial ah chuan(Bial huap ti mai ang) kohhran pasarih zinga panga te chuan awmni khamin ruai nen he hun hi kan hmang dawn a ni. Thupui Hqtrs in an siam hi kan hmang ang..

    a few seconds ago ·