Paithar Bial TKP ten thisen Unit 123 an pe

August 29, 2020 (Inrinni) khan Thalai Kristian Pawl, Paithar Pastor Bial-te chuan a mamawh apiangte hman turin  blood donation camp, Sihtlangpui-ah an nei a. Thisen Unit 123 zet an pe.

He Thisen pek Programme hi MTKP-in Blood Donation Calendar an siam bawhzuina niin, Civil Hospital, Lawngtlai Blood Bank-a thawktuten thisen hi a hmunah kalin an lak chilh a, Lawngtlai Area ṬKP  hruaitute leh Association for Voluntary Blood Donation (AVBD) hruaitute’n an telpui bawk.

Hun hmasa lamah Pu Lalhriatpuia, Ex-Officio & ECM MTKP leh Tv. VL Hmangaihzuala AVBD hruaitute bakah, Pro-pastor Michael VL Rema’n thu an sawi a, tawngtaina neih a nih hnuin thisen pek hi tan nghal a ni. 

Bial chhung unit nhrang rhang atangin thisen pe tura lo kal hi an thahnem avangin zan dar 10:00 thleng thisen pek hi kalpui a ni a, Blood donation camp thlengtu TKP Sihtlangpui ten thisen pe tura lo kalte hi zanriah an buatsaih sak nghal a ni.

Thisen pek runpui hi Sorkar dan dinglai zawmin social distance maintain thlap a ni a, thisen unit 123 pek a niin, mipa 98 leh hmeichhia 25 ten thisen an pe thei a ni.