Pastor Bial 4-ah Sunday School Seminar neih a ni.

April ni 29 leh ni 30, 2022 khan Kawrthah Pastor Bial, Kanhmun Pastor Bial, Siaha West Pastor, leh North Vanlaiphai Pastor Bial -ah te Bial huap sunday school seminar neih a ni a, hun hlimawm leh hlawk tak hman a ni.

Kawrthah Pastor Bial chun April 29 (Zirtawpni) khan Sunday School Zirtirtute pual Training & Seminar, BCM Tuidam ah an nei a, Training-ah hian Rbt. B. Singpari, Sunday School Promoter leh Rbt. H. Lalkimi, Sunday School Trainer te chu Resource Person niin an kal a, nilengin hun an hmang a, Bial chhung Kohhran hrang hrang atangin  Sunday School Zirtiru leh Puipa te mi 40 an kalkhawm a ni.

Kanhmun Pastor Bial huap Sunday School Training pawh Hemi ni vek hian BCM Biak In, Kanhmunah neih a ni a, Sunday School Trainer Upa HS Lalhmingthanga leh Upa V. Laikhuma ten Training hi neihpuiin hunt ha thak an hmang bawk. Kan hmun Bialah hian Kohhran paruk atangin Sunday School zirtirtu te leh Sunday School Puipate nen mi 47 an tel thei a, Training-a kal ten hlawkthlak an ti hle.

Siaha West pastor Bial Sunday School Seminar chu April 30, 2022 (Inrinni) khan BCM Biak In, College Veng Siaha-ah neih a ni a, Sunday School Trainers te – Upa Pc. Vanlalrova, Electric Lunglei leh Upa H. Thangrivunga, Bethani Lawngtlai ten hmanpuiin Training an pe a. An ni bakah hian Nl. Jennifer Lalruatkimi, BKHO College Veng, Junior ṬKP Zaipawl Town Church leh Living for Christ BCM Town Church te hnen aṭangin zai a rawngbawlna ngaihthlak a ni bawk.

Pathianni zing leh zan inkhawmah BCM Town Church leh BCM New Siaha Biak Inah te Sunday School Campaign nei chhunzawmin, resource person-2 te hian a hrang v eve-in thuchah an sawi a ni.

North Vanlaiphai Pastor Bial  pawhin April 30 vek hian BCM Biak In, North Vanlaiphaiah Sunday School Training leh Seminar an nei bawk a. Headquarters atangin Sunday School Trainer Upa M. Thansiama’n Training hi a neihpui a, Pu K. Lalthangzela’n zaia rawngbawlna neiin a tawiawm bawk.

He Training ah hian Bial chhung Kohhran hrang hrang atanga Sunday School Zirtirtu leh Puipate mi 37 kalkhawmin Training hlawk tak an nei a. Resource Person Upa M. Thanziama hian Inrinni zan leh Pathianni zing leh Pathianni zan ah te North Vanlaiphai, Khawlailung leh Lungkawlh-ah te Sunday School Campaign neih chhunzawmin hun a hmang bawk.