Pastor Bial pali-ah Sunday School Seminar neih a ni.

May 14, 2022 (Inrinni) khan Christian Education Department buatsaihin Sunday School Training & Seminar Pastor Bial pali – Bungtlang, Tawipui, Thenhlum leh Eclectric Pastor Bial-ah te hetiang hian neih a ni.

#Bungtlang Pastor Bial ah, BCM Rawpui-ah neih a ni a, Headquarters atangin Christian Education Deparmtent Director Rev. ZD Rodingliana leh Sunday School Trainer Upa Hmingthanzuala, Hnahthial te Resource Person-ah hman an ni. Nilengin Training hun hi hman a ni a, Bial chhung Kohhran hrang hrang – Bungtlang, Keitum, Khawnglung leh Rawpui atangin Sunday School Zirtirtute leh Sunday School puipate mi 70 chuang an kal khawm a ni.  May 15 (Pathianni)-ah BCM Bungtlang leh Khawnglung Kohhranah te Sunday School Campaign neiin thuchah an sawi bawk.

#Tawipui Pastor Bial ah BCM Minpui-ah Seminar hi buatsaih a ni a. Resource Person-ah Rbt B. Singpari, SS Promoter leh Upa R. Lalhmingmawia, Sunday School Trainer ten hun an hmang.  Training-ah hian Bial chhunga Sunday School Zirtiru leh puipate nen mi 72 kalkhawmin hlawk thlak an ti hle.

#Thenhlum Pastor Bial BCM Bethlehem-ah Sunday School Training hi neih a ni a, Headquarters atangin Sunday School Trainers pahnih Upa HS Lalhmingthanga leh Upa LP Lalramzawnga ten Training hi an neihpui a ni. Inrinni Nilengin Training leh Seminar hi an nei a, Bial chhung Kohhran hrang hrang – atangin Sunday School zirtirtu ankal thaa-in hlawk thlak an ti hle a. Pathianni-ah Bial chhung Kohhran hrang hrangah Sunday School Campaign an nei nghal a ni.

#Electric Pastor Bial, Lunglei pawhin BCM Electric-ah Sunday School Training hi an nei a. He Training-ah hian Sunday School Trainer, Upa J. Lawmsanga, Serkawn chu Resource Person-ah an hmang a. Bial chhung Kohhran hrang hrang atangin Sunday School zirtirtu leh puipa te mi 112 an kal khawm a ni. Electric Pastor Bial chhungah hian Tualchhung Kohhran pali – Electricveng, Chanmari Vengthlang, Gosen (Electric) leh Farmveng te an awm a, Sunday School zirtirtu leh puipa hi an vaiin 294 an awm a ni.