Pastor lakluhna Inkhawm neih a  ni dawn:

Mizoram Baptist Kohhran Pastoral Department buatsaihin tun Pathianni, February 7, 2021 (Pathianni) zing dar 10:30 hian BCM Biak In, Lunglawn East-ah Pastor lakluhna Inkhawm neih a ni dawn.

Pator lakluhna Inkhawm hi Rev. R. Lalbiakliana, AGS – Servoice-in a kaihruai ang a, Pastor lakluh turten anmahni inhmelhriattirna (Self Introduction) an nei ang.  Rev. C. Chhuntluanga, Pastoral Coordinator-in  BCM aiawhin thu a sawi ang a, Nl. Miriam Lalnundiki’n Pathian fakna hla a sa ang. He Inkhawmah hian Upa C. Sangliana, Upa R. Lawmzuala, Upa RK. Vannghaka ten Bible an chhiar ang a. Rev. F. Ramdinmawia, General Secretary-in Pastor atan lalutin, Thuchah a sawi nghal ang.  Rev. Dr. C. Vanlaldika, AGS – Mission-in Pastor atana lakluh tharte tawngtaisakna leh Pathian hnena hlanna neiin, Rev. KV Thanga, Bialtu Pastor, Lunglawn Bial-in Malsawm tawngtaiin Inkhawm a khar ang.

Tun tuma Pastor atana lakluh turte hi mi 12 an ni a, February 1 atang khan appointment pek an ni a, February 1-5 chhung Headqurters Office -ah BCM kalphung hrang hrang leh Department hrang hrang hnathawh dan te zirin  Orientation neihpui an ni. Heng Pastor atana lak te hian an Probation hun (kum 3) chhung hmang in kumtin exam an neih hnu in, Pastoral Committee-in ordain tlaka a ngaih chuan, Ordain turin Assaembly Executive Committee-ah a chhawp chhuak ang a, Assembly Executive Committee-in ordain te chu Vote la-in an thlang ang.

Pastor atana lakluh tharte leh an awmna tur chu hetiang hi a ni ang:-

1. Danmawia Chawngthu Thingfal Bial(Mamte-ah)
2. Lalramhluna Chhangte Diltlang Bial (Khawmawi-ah)
3. F.Lalramzauva Bungtlang’S’ Bial(M.Kawnpuiah)
4. H.Lalrinsanga Khawruhlian Bial (Vanbawng)ah
5. Laldinmawia Hnamte Khawzawl Bial (Kawrbem-ah)
6. R.Lalramchhana Champhai Bial (Zokhawthar-ah)
7. Lalruatdika Pautu Buarpui ‘N’ Bial (Dengsur-ah)
8. Rosangzuala Kawrthah Bial (Kawrthah-ah)
9. Benjamin Lalremruata Thenzawl Bial (Thenzawl-ah)
10. Jacob Lalnunhlua Paithar Bial (Sihthlangpui-ah)
11. C.Lalnunsiama Kolasib (Kawnpui-ah)
12. V.Lalrozuala Serkawn (Serkawn-ah)