Pastor  Lakluhna Inkhawm neih a ni dawn

Pastor lak thar ten Joining report an pe

Mizoram Baptist Kohhran, Pastoral Committee-in Pastor atâna a lâk thar mi 5 te chuan February 10-14 chhung khan BCM Headquarters Office, Serkawn-ah Orientation hun an hmang a, Tunkar Pathianni, February ni 16 hian BCM Biak In, Chanmari Vengthlang-ah Pro.Pastor atana lakluhna inkhâwm (Induction Service) neihpui an ni ang.

Inkhawm hi Rev. Dr.C.Vanlaldika, AGS Mission –in a kaihruai ang a, Pastoral Coordinator Rev. C. Chhuntluanga’n Pro.Pastor te hmelhriattirna neiin, BCM aiawhin thu a sawi nghal ang. Upa C. Sangliana, Chanmari, Upa R. Lianchhawna, Chanmari vengthlang leh Upa K. Zathuama, Serkawn ten Pathuan thu chhiar tura ruat sa chhiarin, General Secretary, Rev. F. Ramdinmawia’n Pro.Pastorte lakluhna a nei ang a, Rev. R. Lalbiakliana, AGS Service-in tawngtaisakna a nei zui nghal ang. BCM Choir ten Pathian fakna hla an sa ang a,Rev. B. Lalrinawma, Electric Bialtu pastor-in Malsawm tawngtaiin Inkhawm a khar ang.

Pastor lak tharte hian February ni 3, 2020  khan General Secretary, BCM hnenah joining report pein an hna thar an zawm tawh a.  February 17 atangin Probation Period hmang tanin Pastortal Department -in Posting a siam angin an awmna tura ruatah an awmnghal dawn a ni. Pro.Pastor atana lakluh turte leh an awmna tur hetiang hian ruat fel nghal a ni:-

  1. Pro.Pastor Joseph Liansangpuia  – Electric Pastor Bial, Lunglei-ah
  2. Pro.Pastor K.Lalrammawia – Lunglawn Pastor Bial-ah
  3. Pro.Pastor R.J. Lalnunpuia – Tlabung Bial-ah (Bialtu pastor te insiam rem chhungin Lawngtlai E Bialtu Pastor a pui rih ang)
  4. Pro.Pastor Lalmuanpuia – Chanmari   Bial-ah
  5. Pro.Pastor Lalramliana  – Khawruhlian Pastor Bial (Vanbawng) ah (Bialtu pastor te insiam rem chhungin Zotlang, Aizawl Bialtu Pastor a pui rih ang)
PP Orientation